MAZMUR 89:16 - Susula Malalaok Hehelu Palak Ma Hehelu Beuk

¹⁶ Maua-manalek, ba'eneu leoina-la fo, ana lakaluku-lakatele no namahoko-seteleek, ma naso'da nai O mamaim-ma, mandela-masa'an dale, Manetualain.

MAZMUR 89:16 ပူးပေါင်းရင်းမြစ်များ

MAZMUR 105:3

Ndia nde Manetualain Fo Malalao-malalafuk nanseli; mamahoko leona, nana Ndia nuun ita, basa manasene-do'ok-kala ela leo bee-na, mamahoko-setelee.

MAZMUR 29:5

Manetualain halan-na hea nabuu ai huuk-kala, ana helu la'di ai kaiou Libanon-nala

MAZMUR 29:7

Manetualain halan-na tao-na ndelas-sa tu'ti-natok-ka.

MAZMUR 33:21

Ita tamahoko, nanahu Ndia ma tamahele neu na'den fo, malalao-malalafun-na.

MAZMUR 40:10

Nai O anam-mala makaluku-makatelen-na dalek, au tui-benga hala malole-a ae O soi-tefam-mala ami so. Au ta hahae, tui-benga dede'ak ndia fa, O bubuluk basa sila-la, ou Manetualain.

MAZMUR 44:8

Tehu O nde soi-tefa-ma ami neme musu nook-ka mai, ma O sengi hataholi fo manamakamuu-makadau ami-a.

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

IMAMAT 25:8

Leke teuk hitu la'i hitu soona, dede'un-na teuk 49.

IMAMAT 25:9

Boema nai hataholi Yahudi-la bula ka hitun-na, fain sanahulu, fo nde faik fo sala-singok hapu ampon-na soona, madenu hataholi puu puuk-ka nai basa mamanak lala'en-na, nai nusak dale.

LUKAS 1:47

ma au samane nga namahoko-setelee nana Manetualain au Manasoi-Manatefa nga.

ROMA 1:17

Hu ka nde Hala Malole ndia de, Manetualain natu'du eno na tao leo beek, fo hataholi daebafa ka tututin no Manetualai na, ana da'di malole falik; eno na nde, tamahele Manetualain neme makasososa na losa mate'e na. Dede'ak ndia nandaa no Susula Mala lao ka isi liin nae, “Hataholi fo namahele Manetualain, ma tututi-nanaton no Manetualain malole falik soona, neukose hataholi ndia hapu maso'da ka!”

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!