MAZMUR 86:16 - Susula Malalaok Hehelu Palak Ma Hehelu Beuk

¹⁶ Taoafik ma sue-lai au, matetea-mahehele, ma soi-tefa-mala au, nana au boeo, akatele ma fe ha'da-holomata neu O, sama leo au inang boe.

MAZMUR 86:16 ပူးပေါင်းရင်းမြစ်များ

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

MAZMUR 119:132

Lepos masale leo au mai, fo sue-lai au, sama leo O sue-lai hataholi manasue-lai O-a.

MAZMUR 119:94

Soi-tefa-mala au, nana au ia, O nuum, de au sanga basa enok, soaneu tunga O nakeketum-ma so.

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

MAZMUR 25:16

Mete au, ma sue-lai au, nana au mesa-mesang-nga, ma au doi-doso.

MAZMUR 41:5

Auafa'da ae, “Au asala-asingo basa neu O so, ou Manetualain, sue-lai au ma tao malea-mahai au.”

MAZMUR 69:16

Boso po'ilotak lii matuaina tao-na au bolo, fo au bolo leo tasi buin-na neu do nananatoik nai bolok dale.

MAZMUR 84:5

Tete'ek-ka, maua-manalek ba'eneu hataholi fo ana leo nai O Umam-ma, ma nakamee kokoa-kikiok ba'eneu O tataas esa.

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

LUKAS 1:38

Boema Maria nae, “Au ia Manetualain atan; neme na fo ana da'di tunga hata fo o mafa'da ka.” Boema ata nusa so'dak ndia la'oela Maria.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,