MAZMUR 86:15 - Susula Malalaok Hehelu Palak Ma Hehelu Beuk

¹⁵ Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:15 ပူးပေါင်းရင်းမြစ်များ

1 TAWARIKH 21:13

Dauk nataa nae, “Awii, au soe! Ta malole metema hataholi daebafak ka huku au, malole lenak Manetualain huku au, nana susue-lalain ba'u na seli.”

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 103:8

Nana Manetualain manasue-laik, Ana ta haelai namanasa, ma susue-lalain sasi kao-kao.

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 130:4

Tehu O nau fe do'o do ampon, fo ela hataholi-a, da'di hataholi kamahehelek.

MAZMUR 130:7

Mamahena neu Manetualain, hai anan-nala lemin, nana Ana sue-lai nahele, ma naheheleaon tataas esa, soaneu Ana soi-tefa.

MAZMUR 145:8

Manetualain ndia, manasue ma manalai, ta haelai namanasa, ma sue-lai tataas esa.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

KELUARAN 34:6

Basa boema Manetualain la'ok leo Musa uluk neu, de nafa'da nae, “Au Manetualain, nde been-na Manetualain fo dalen-na henuk no dale malole ma susue-lalaik. Au susue-lalaing sasi kao-kao, Au manalilinekak ma ta haelai namanasa fa.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.