MAZMUR 85:13 - Susula Malalaok Hehelu Palak Ma Hehelu Beuk

¹³ Manetualain ba'e-bati, hata fo malole, de neukose ita daen-na ana fe buna-boan.

MAZMUR 85:13 ပူးပေါင်းရင်းမြစ်များ

MAZMUR 119:35

Ela leo bee-na, au ho'u ahele O paletam-ma, nanahu au dale hihiing-nga nde ndia.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

YESAYA 58:8

Soona, neukose mangale'dok-ka, ana tii ba'eneu emi, sama leo dulu fula, ma neukose emi bisum-mala, ala lea-hai no lai-laik. Neukose, Au sama-sama o emi, fo Au soi-tefa emi. Neukose Au asulu-ahapa emi, neme bu'u-bu'uk lala'en-na mai.

YEREMIA 31:14

Basa imam-mala neukose Au taos ala doak nenik nana'a-nininuk manasasi-kao-kaok-ka; ma basa Au anang-ngala paluuk-kala neukose Au fes. Au, Manetualain, fo manamafa'dak-ka.”

YESKIAL 36:30

Neukose Au fe emi aim-mala, ma emi tinam-mala labuna-laboa no malole, nalosa emi ta hapu la'ola'di fai la'a-ndoes fo ana tao nanggenggeo emi na'dem-ma, nai leoina-kala tala'da so'on.

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

YOHANIS 13:34

Au fe emi paleta beuk esa nae leo ia: Masue-malai ao leona. Sama na leo Au sue-lai emi basa-basa mala. Leondiak boe, emi muse masue-malai ao.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

1 PETRUS 4:1

Hu ka nde Kristus doidoso tunga ao paa ka so, de emi muse tao matetea dale mala no namahehele leondia ka. Nanahu hataholi fo ana doidoso tunga ao paa ka, soona ana ta tao sala-singok so'on.

1 YOHANIS 2:6

Metema see nafa'da nae, ndia naso'da no Manetualain soona, hataholi ndia muse tunga Kristus ei tata'bu na boe.