MAZMUR 85:12 - Susula Malalaok Hehelu Palak Ma Hehelu Beuk

¹² Hataholi daebafak-ka lilinekan, neukose ana moli neme daebafak-ka mai, ma Manetualain ndoon ma matetun-na neukose ana titino neme lalai mai.

MAZMUR 85:12 ပူးပေါင်းရင်းမြစ်များ

MAZMUR 67:6

Ela leo bee-na, leoina-la koa-kio O, ou Manetualain, ela leo bee-na, basa leoina-la loke makasi neu O.

MAZMUR 72:16

Ela leo been-na, gadum-ma sasi kao-kao nai nusak-ka lala'ena, ma pupukun-nala henuk no daebafak-ka buna-boan. Ela leo been-na daen-na nalole sama leo Letelepak Libanon-na, ma laun manai kotan-na lamaba'u sama leo na'u manai mook-ka.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

YESAYA 32:15

Tehu neukose, Manetualain mai la'iesa seluk no koasan-na. Soona neukose moo soloka'ek-ka, da'di tina maoe-maisik, ma neukose tina-la, sama leo nula.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

MATEOS 13:23

Ma bini-ngges fo mana tu'da nai dae maisi-mamina ka, nakasasama na leo hataholi fo namanene halak ndia, de ana tao tungan. Boema labuna laboa ba'u ka, de nalosa nggelok hapu buna-boak natun esa, nggelok hapu neehulu, ma nggelok ala hapu didikuk la'i telu hulu.”

MATEOS 13:8

Tehu hapu nggelok tu'da lai dae maisi-maminak lain, boema labuna-laboa; Neu fai keketu-kokolun boema, ala hapu nggelok natun esa, nggelok nee hulu ma nggelok ala hapu didikuk la'i telu hulu.”

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.