MAZMUR 85:11 - Susula Malalaok Hehelu Palak Ma Hehelu Beuk

¹¹ Susue-lalaik ma lilinekak-ka, neukose latongo, ndoos ma matetuk-ka, ma mole-dame-a, neukose lahoholuao.

MAZMUR 85:11 ပူးပေါင်းရင်းမြစ်များ

MAZMUR 72:3

Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

YESAYA 4:2

Neukose losa fain-na te, Manetualain tao basa bubu'u-palusa, ma ai-la moli fo lamatua, fo nusak ia mana'ahiik. Nai faik ndia, neukose hataholi Israel fo maso'dak-kala, neukose lamahoko-setelee ma dalen-nala lamatua, nanahu dae-oen buna-boan-nala.

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

YESAYA 53:2

Manetualain nau, atan ndia sama leo nupuk-ka, fo ana moli nai dae tokotik. Ta hapu mana'ahiik, nai aopaan-na, fo ita meten fa; ta hapu hata esa fo nandaa, soaneu ita tahiik-kana fa.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.