MAZMUR 84:5 - Susula Malalaok Hehelu Palak Ma Hehelu Beuk

⁵ Tete'ek-ka, maua-manalek ba'eneu hataholi fo ana leo nai O Umam-ma, ma nakamee kokoa-kikiok ba'eneu O tataas esa.

MAZMUR 84:5 ပူးပေါင်းရင်းမြစ်များ

MAZMUR 122:1

Dauk nakamee dodonge-dadaman. Au amahoko-setelee, nai lelek hataholi-la lafa'da au lae, “Mai fo, ata teu leo Manetualain Uman-na teu!”

MAZMUR 134:1

Nakamee dodonge-dadamak. Mai fo, koa-kio Manetualain, hai basa Manetualain atan-nala lemin, basa manamaik fo lalalau-laoono nai Manetualain Uman, nai fai le'odaen-na.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 55:14

Tehu, hu kande o, fo au nonoong ma au tia-laing-nga, au tia-laing fo manadeka no au-a, nalelesi au.

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 81:1

Soaneu mauli-malanga nakameek-ka. Tunga nakamek: Gitit. Neme Asaf mai.

YESAYA 26:9

Au samaneng-nga, nahiik natongo O tataas esa, nai fai le'odaen, ma no dalek-katema tuak, au sanga O nai fai fafain-na. Mahani te, metema O maketu-mala'di daebafak-ka soona, neukose laun manai daebafak-ka, ala bubuluk hata fo ndoos-sa.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 31:6

Tete'ek-ka, neukose losa fain-na te, basa manamanea kota-la leloo-bebou nai lete-lepak Efraim-ma lae, ‘Mai fo ata kae lo Sion teu, lo ita Amam Manetualain teu.’ ”

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

2 KORINTUS 12:9

Tehu Lamatua ka nataa nae, “Au sue-lai o, de ndia dai o so, nana Au koasa nga balakai na lena, metema o nai tapandoe sa dalek.” Da'di au amahoko metema au tapandoe soona, nai lelek ndia nde au ame'da ita Kristus nasulu-nahapa au ninik be'i-balakain.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.