MAZMUR 83:14 - Susula Malalaok Hehelu Palak Ma Hehelu Beuk

¹⁴ Ou Manetualain, nggenggela-ngganggalis sama leo dae sopuk-ka, ma sama leo anin-na fuu neni ha'deaik-ka.

MAZMUR 83:14 ပူးပေါင်းရင်းမြစ်များ

AYUB 21:18

Ala da'di hai ha'deaik, ma afu, fo ani-sangu fuu nitas so do beik?

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.