MAZMUR 83:13 - Susula Malalaok Hehelu Palak Ma Hehelu Beuk

¹³ nanahu lafa'da basa lae, “Mai fo tangatuu-ta dae fo, Manetualain mamana leleon-na.”

MAZMUR 83:13 ပူးပေါင်းရင်းမြစ်များ

AYUB 13:25

Au ka'da akidok manakonok metema anin-na la'en, masa bole O makabibiik au! Au ka'da ha'de ai tuuk ma manamalek, masa bole O usi mahele au!

AYUB 21:18

Ala da'di hai ha'deaik, ma afu, fo ani-sangu fuu nitas so do beik?

MAZMUR 22:1

Soaneu mauli-malanga nakameek-ka. Tunga nakameek: Nusa nai fai dulufulan-na. Dauk kokoa-kikion-na.

MAZMUR 35:5

Nemen-na fo, Manetualain ata nusa so'dan-na usis, sama leo anin-na, fuu tapasasala ha'deuk-ka.

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

KELUARAN 15:7

No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.

YESAYA 40:24

Hataholi sila, sama leo bubu'u-palusa beuana, fo okan-na, besak-ka ana mulai mai. Metema Manetualain fuu anin-na mai soona, lamatuu, de anin-na fuu nenis, sama leo ha'deaik-ka.

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

YESKIAL 35:10

Emi mafa'da, mae nau Yehuda do Israel no daen-na, esa-esak nde been-na, o hak ndia, ma o mae neukose emi manuu dae ndia, leomae Au, fo Manetualain nde been-na, sila Manetualain-na.

YESKIAL 36:2

‘Lelek leoina titia-tataik-kala, sapu-la emi, ma lamanako emi hata-hetom-mala, ala lakamumulu-lakamamaek basa Israel lala'en-na so. Ala kokolak no namahokok, lae pupukuk makahuluk sila-la, besak ia, da'di sila nuun so. Hu ndia de, hai letek-kala ma pupukuk-kala, lee anak-kala ma bafak-kala, hai kota-kota fo manada'di ai batu manatapasasalak-kala, ma kota fo hataholin-nala la'oelan so, boema leoina titia-tatain-nala, lamanako ma ala hakinonolin-na, mamanene hata fo, Manetualain Fo Mademaina nafa'dan neu emi nae: Nai Au nasa-melung fo manalua ponu-ponung-nga dalek, neukose Au fe nasanene'da mahelek neu leoina fo, manai emi titia-tataim-mala, lena-lenak neu Edom, nanahu no namahokok, sila lakamumulu-lakamamaek, ala loso-la Au daeng-nga, ma ala loso-la moo mana'un-nala. Besak ia, Au amanasa anseli, nanahu leoina sila-la, lakamumulu-lakamamaek, boema lakadadaek emi.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”