MAZMUR 80:2 - Susula Malalaok Hehelu Palak Ma Hehelu Beuk

² Ou Manafoo Israel, mamanene leona, te O nde mauli-malanga Yusuf tititi-nonosin da'di leo bi'ilopo bubuak-ka. O nde mangatuuk nai mahahae mali'dak nusa so'dak lain-na (kerub), to'da mai no mandela-masa'ak

MAZMUR 80:2 ပူးပေါင်းရင်းမြစ်များ

1RAJA-RAJA 8:6

Basa ndia boema, basa imam mala leni Peti Hehelu-balataak ndia leo Manetualain Uman neu de ala pe'dan nai mahahae nusa so'dak sila-la doki dulan daen-nai Kama Malalao-malalafuk nanseli-a dalek.

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

MAZMUR 35:23

Fo'a leona, fo masala'e au dede'ang-nga, ou au Manetualaingma au Amang-nga, tulu-fali au leona!

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

SEMUEL SUSULAK-KA ESAN-NA 4:4

Boema ladenu hataholi neu leo Silo neu, fo neu ho'i Manetualain Peti Hehelu-balataan, fo nalupa Manetualain Fo Manakoasa, kandela manen-na. Eli ana ka duan-nala, fo nde Hofni no Pinehas tunga Peti Hehelu-balataak ndia.