MAZMUR 8:7 - Susula Malalaok Hehelu Palak Ma Hehelu Beuk

⁷ O fen ana koasa, lalai no daebafak-ka, basa O makadada'dik hata lala'en-na, O pe'das leu ei tata'bu daen-na:

MAZMUR 8:7 ပူးပေါင်းရင်းမြစ်များ

KEJADIAN 1:26

Basa boema, Manetualain nafa'da nae, “Besak ia, Ata tao hataholi daebafak-ka, fo neukose ana da'di sama-na leo Ita, ma lupa-aon sama leo Ita. Neukose, ala koasa basa i'ak-kala, manupui-la, ma basa bana fe'ek-kala, nau kamaus do fuik boe, nau matua do ana boe.”

KEJADIAN 1:28

Basa boema, Ana fes baba'e-papalak, nenik hala-kokolak nae, “Bongi-ma, upu-anak makadotok, fo ela o tititi-nonosim leo lahenu daebafak-ka lala'en-na, boema, ala koasa daebafak-ka. Au fe emi bela-ba'uk, fo ito-ato i'ak-kala, manupui-la, ma basa bana fuik-kala.

KEJADIAN 2:20

Ndia nde makasososan-na, bana manai ma'dak lain-nala, ma manai lalai-a, esa-esak mana'dek so. Hataholi ndia, ana foi basa bana manai ma'dak lain-nala, ma manai lalai-a na'den-na, leondiak. Tehu nai basa bana sila-la dalek, ta hapu esa boen, fo ana bisa da'di ndia mana tulu-falin, fo nandaa non fa.