MAZMUR 78:7 - Susula Malalaok Hehelu Palak Ma Hehelu Beuk

⁷ No enok ndia, neukose sila boeo, tao sila namahehenan-na, neu Manetualain, fo ta lafandele heni tatao-nono'in fa, tehu ala tunga paletan-na, tataas esa,

MAZMUR 78:7 ပူးပေါင်းရင်းမြစ်များ

MAZMUR 103:2

Koa-kio Manetualain, hai au samaneng-nga, boso mafandele heni dale malolen lala'ena!

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

MAZMUR 62:5

Emi ka'da tutu'u enok, fo tao matu'dan neme nangatutuu mademan-na mai. Emi hii ka'da masapepeko-masandandali; emi fe baba'e-papalak menik emi bafam-ma, tehu supa-soo-a nai emi dalem dale.

MAZMUR 91:14

Manetualain nafa'da nae, “Hataholi manasue-lai Au-a, neukose Au soi-tefan, ma manamanaku Au-a, neukose Au asulu-ahapan.

1 KORINTUS 11:24

de noke basa makasi neu Manetualain soaneu loti ndia boema, Ana tete'i loti ndia ninik lima na ma nae, “Ia nde bee na Au ao paa nga, fo nanafehenik soaneu emi. Tao-no'i ia, soaneu masanene'dak Au.”

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 6:21

Soona emi muse mataa mae leo ia, ‘Makahulun-na, ita da'di mane Masir-ra atan-na, boema Manetualain soi-po'i ita nenik be'i-balakai matuaina.

ULANGAN 6:25

Metema no lilinekak, ita tunga basa paleta lala'en fo, ita Manetualain paletan neu ita, soona neukose Ana sue-lai ita.’ ”

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.

NINITAK 14:12

Nai dede'ak ia dalek, Manetualain hataholi kamahehele manatunga Manetualain paleta nala, ma manalilineka neu Yesu sa, paluu lakatatakak.