MAZMUR 78:58 - Susula Malalaok Hehelu Palak Ma Hehelu Beuk

⁵⁸ Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

MAZMUR 78:58 ပူးပေါင်းရင်းမြစ်များ

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 12:31

Yerobeam boeo napadedeik na mamana huhule-haladoi fe'ek-kala lai letek-kala poin-na, ma ana so'u imam-mala leme teidalek fo ta leo Lewi-la fa.

2RAJA-RAJA 17:9

ma ala tao tatao-nono'ik fo, sila Manetualain nape'da dale nasak-kana fa. Ala tao lamatua daebafak-ka, mamana sosongo-tatangon, nai basa sila kotan-nala, nau nai kota ana, do kota matua boe.

2RAJA-RAJA 21:7

Ana tao lamatua daebafak Inak Asyera, dodoki-dudulan nai Manetualain Uman dale, te se'kona, Manetualain nafa'da basan neu Dauk, ma anamanen Salomo, la'eneu mamanak ndia nae, “Au hele basa Au Umang-nga, ma kota Yerusalem ia, nai leo Israel-la, nusa ka 12-nala dalek, nde been-na, mamanak fo Au aketun, da'di leo mamana makaluku-makatele neu Au.

2TAWARIKH 21:11

Lena-lenak, ana napadedeik mamana sosongo-tatangok nai Yehuda nggolo letelepa-na, de ana taon-na Yehuda ma Yerusalem laun-nala lasala-lasingo neu Manetualain.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

BILANGAN 33:52

emi muse usi heni nusak ndia, laun-nala lala'en-na. Taom-makalulutuk la'iesak sila sosongo-tatangon, fo ala taon neme batu ma liti-a mai, boema sila mamana sosongo-tatangon-nala.

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

ULANGAN 12:2

Emi masok mala nusak ndia dalek soona, emi muse tao makalulutuk, leoina manaleo manai sila-la, mamana sene-do'ok neu sila lamatua daebafak nala. Mamana sosongo-tatangon manai letek mademaina-la poin-na, manai pupukuk-kala poin-na, ma manai ai matuaina-la huun-na.

ULANGAN 12:4

Nai lelek, emi sene-do'ok neu emi Manetualaim-ma soona, boso nana dulak neme hataholi sila-la sene-do'on neu sila lamatua daebafak-na.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.

HAKIM-HAKIM 2:20

Hu ndia de, Manetualain namanasa nanseli hataholi Israel-la, de nafa'da nae, “Au paleta basa leoina ia bei-ba'i kain-nala, fo ela ala ho'u lahele hehelu-balataak, fo Au taon no sila. Tehu leoina ia, tao ketu hehelu-balataak ndia; ala la'olena Au paletang-ngala.

HAKIM-HAKIM 3:19

Tehu Ehud mesak-kana nate'e, nai lelek ana losa batu nanadoki-dulak-kala deka no Gilgal, boema ana fali ne'un leo Eglon neu. Nai lelek ndia, Eglon nai uma manen-na kaman dale, nai ta'dak lain. Boema Ehud nafa'da Eglon nae, “Ama Manek Fo Mandela-masa'ak! Atam-ma neni hala nafufunik, soaneu au Ama Maneng-nga.” Boema manek-ka nae, “Mahani dei,” boema ana paleta basa atan-nala, fo ala kalua la'oela ndia no Ehud mesak-kasa. Basa boema, Ehud neu deka no manek-ka, fo ndia te, bei nangatuuk, boema nae, “Hapu halak neme Manetualain mai, soaneu au Ama Maneng-nga!” Manek-ka namanene dede'ak ndia boema, ana fo'a napadeik.