MAZMUR 78:5 - Susula Malalaok Hehelu Palak Ma Hehelu Beuk

⁵ Ana fe hoholo-lalanen neu leoina Israel-la, ma Ana fe paletan-na, neu Yakob tititi-nonosin. Ana nadenu ita bei-ba'i kain-nala lanolin neu sila anan-nala,

MAZMUR 78:5 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

MAZMUR 119:152

Neme makahulun eli mai-a, au bubuluk O nanolim-mala, nae O maketun losa dodoon-na.

MAZMUR 147:19

Ana nanduku-nalosak hala hehelun-na neu anan-nala, nanduku-nalosak nakeketun ma hoholo-lalanen, neu ana hehelen-na.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

MAZMUR 81:5

Nana ndia da'di nakanenetek esa nai Israel, ma paleta esa, neme Yakob Manetualain-na mai.

KELUARAN 12:27

Soona emi muse mataa mae, ‘Ia tutunu-hohotu Paskah, soaneu fe ha'da-holomata neu Manetualain, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!’ ” Boema hataholi Israel-la senek, ma lakaluku-lakatele.

KELUARAN 25:16

Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

KELUARAN 25:21

Tao batu ka duak-kala leo peti ndia dalek neu, fo tatanan.

KELUARAN 40:20

Basa boema, ana pe'da batu ka duak sila-la leo Peti Hehelu-balataak dale neu. Boema Musa tatana Peti ndia tatanan neu de ana tao ai ndondolon-nala leo suek-kala dalek neu.

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

ROMA 3:2

Tao leo beeo, sosoa-ndandaan ba'uk-ka! Makasososa na, hu ka nde Manetualain fe dede'a-kokolan neu hataholi Yahudi la.

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

ULANGAN 31:13

No enok ndia, basa emi anam fo, beita lamanene lita, emi Manetualaim-ma hoholo-lalanen-na, ala hapu lamanenen, fo lanoli fe ha'da-holomata neu Manetualain, nai lelek sila bei laso'da nai nusak manai Lee Yarden-na selik ndia, fo ta dook-ka so'on te, emi mangatuu-man so.”

ULANGAN 32:46

nafa'da nae, “Taoafik neu basa paleta fo, fai ia, au fen neu emi ndia. Manoli emi anam-mala, nanolik sila-la, fo ela ala tao-no'i basa Manetualain hoholo-lalanen, no dalek-katematuan-nala.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.