MAZMUR 78:49 - Susula Malalaok Hehelu Palak Ma Hehelu Beuk

⁴⁹ Ana po'ilotak nasa-melun fo, manalua ponu-ponun-na, nenik nadenu solda'du, ata nusa so'dak bubuak esa, fo ala tao lalas, ketu namahehenan-nala.

MAZMUR 78:49 ပူးပေါင်းရင်းမြစ်များ

2 SEMUEL 24:16

Boema, Manetualain ata nusa so'dan maneni mamates ndia, ana losa nai Arauna, fo hataholi Yebus ndia, mamana po'de gandum-ma so. Lelek Manetualain nita ata nusa so'dak ndia naheheleaon basa, fo ana tao namopo-namate Yerusalem boema, Manetualain dodoo nasafali seluk nakeketun-na, de Ana hahae huku leoina ndia. Nafa'da ata nusa so'dak ndia nae, “Dai so! Mate'e leona!”

AYUB 1:12

Boema Manetualain nafa'da nitu-a nae, “Basa Ayub su'i-beten lala'en-na, nai o koasam dale, sa'di boso tao mahe'di aopaan-na!” Boema nitu-a la'o neme Manetualain matan-na mai.

AYUB 20:23

Lelek, ana pue-lau no na'a-ninuk-ka, Manetualain namanasa nanseli, de Ana hukun.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 15:7

No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.