MAZMUR 78:4 - Susula Malalaok Hehelu Palak Ma Hehelu Beuk

⁴ Ami tan au mafuni, soaneu ami anam-mala fa; ami nau tui-bengan neu bobongik makabuik-kala la'eneu Manetualain koasan-na, ma tatao-nono'i matuainan-nala, boema tatao-nono'i matabeun-nala.

MAZMUR 78:4 ပူးပေါင်းရင်းမြစ်များ

AYUB 15:18

hata fo hataholi malelak ma manatee-tenok-kala lanolin neu au. Ala sipo nanolik sila, neme bei-ba'i kain-nala mai de ala tuin la'i esak-kana neu tititi-nonosin-nala.

MAZMUR 26:7

boema au akamee nakamee makasi, ma tui-benga O tatao-nono'i matua-mademam-ma.

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

KELUARAN 12:26

Metema emi anam-mala latane lae, ‘Feta ia sosoa-ndandaan hata?’

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:8

Nai feta ndia faik makasososan-na, emi muse tui emi anatoum-mala, mae emi tao basa ia-la, nanahu Manetualain tao basa hata lala'en-na soaneu emi, nai lelek emi la'oela nusa Masir-ra.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YOEL 1:3

Tui manada'dik ndia neu emi ana mala; fo ela landuku-lalosak tutuik ndia neu sila anan-nala. Bobongi makabuik-kala muse lamanenen boe, fo landuku-lalosak-kana neu bobongi manamaik-ka.

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.