MAZMUR 78:10 - Susula Malalaok Hehelu Palak Ma Hehelu Beuk

¹⁰ Ala la'olena Manetualain hehelu-balataan no sila, ma ala ta nau tunga hoholo-lalanen fa.

MAZMUR 78:10 ပူးပေါင်းရင်းမြစ်များ

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

KELUARAN 16:28

Boema, Manetualain, nafa'da Musa nae, “Emi ta nau tunga Au paletang-ngala losa faihi'da?

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,