MAZMUR 77:19 - Susula Malalaok Hehelu Palak Ma Hehelu Beuk

¹⁹ Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

MAZMUR 77:19 ပူးပေါင်းရင်းမြစ်များ

2 SEMUEL 22:8

Boema, daebafak-ka nanggengo ma ana dele, letek-kala huun-na, ala ke'ko, ma ala dele nanahu, Manetualain nasa-melun!

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

AYUB 23:14

Neukose, nakalala'ok dale tutu'un-na, neu au, fe'ek neme ndia mai, dale tutu'un-na, bei ba'uk-ka seluk bai.

AYUB 36:29

Ta hapu hataholi esa boen, nalelak ko'as-sa leleo-lala'on fa, boema mangguluk-ka, nanggulu nai lalai, nai mamanak fo, Manetualain leo.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 29:10

Manetualain koasa neu faa tuak-ka Ana koasa da'di leo Manek, losa dodoon-na.

MAZMUR 97:2

Ko'as-sa ma makahatuk-ka okofeo lalan; paletan-na napadeik nai ndoos ma matetuk-ka, ma hoholo-lalanek-ka lain.

MAZMUR 97:4

Mandelan-na, nangale'do-na daebafak-ka, daebafak-ka nitan, de ana dele ngge'be-ngge'be.

KELUARAN 14:28

Tasi oe-a ana luu ma'in, de ana potin-na kaleta-la, hataholi manasa'ek-kala, ma basa solda'du Masir manausi hataholi Israel-la, de lii-a ba'u nenis leo tasi tala'da leu, nalosa mate la'iesak-kasa.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

HABAKUK 3:15

O heheta-aa'i tasi maloaina nenik O ndalam-ma de tasi fulak no fufu'dek-ka.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?