MAZMUR 77:14 - Susula Malalaok Hehelu Palak Ma Hehelu Beuk

¹⁴ Ou Manetualain, basa O tatao-nono'im lala'ena, malalao-malalafuk, see kande ba'u ami Manetualaim-ma?

MAZMUR 77:14 ပူးပေါင်းရင်းမြစ်များ

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

MAZMUR 68:25

Basa-basas lita O sesengim-ma, ou Manetualain, Hataholi-la beenongo, fo loo au Manetualaing-nga, au Maneng-nga leo mamana leleon-na neu.

MAZMUR 72:18

Kokoa-kikiok ba'eneu Amak, fo Israel Manetualain! Ka'da Ndia nde manatao dede'a matuaina-la.

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

DANIAL 3:29

Hu ndia de, au paleta fo basa hataholi maneme leoina, leo do dede'ak beek boe, fo ana kokolak nakadadaek Manetualain fo Sadrakh, Mesakh ma Abednego sene-do'ok-ka soona, neukose tete'te-nan lutu-lutu ma tao natu'u uman-na fo taon da'di ai batu madodouk. Nana ta hapu lamatua daebafak bee boe, ana bisa tao hata fo Manetualain ndia tao basak-ka so.”

DANIAL 6:27

Au fe paleta neu basa hataholi manai au nusang-nga dalek, fo ela ala bii ma fe ha'da-holomata neu Manetualain fo Danial sene-do'ok-ka! Ndia nde been-na Manetualain fo maso'dak losa dodoon-na neu, Paletan-na manaketu basa tak. Tao leo bee-o, nusan-na ta mopo-mate fan. Koasan-na manaketu basa tak.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!