MAZMUR 77:13 - Susula Malalaok Hehelu Palak Ma Hehelu Beuk

¹³ Au nau tai-dodoo, O tao basa hata lala'ena, ma dudu'a-dodoo O tatao-nono'im fo matuainam-mala.

MAZMUR 77:13 ပူးပေါင်းရင်းမြစ်များ

MAZMUR 105:2

Makamee koa-kio ba'eneu Manetualain, tui-benga basa tatao-nono'in fo dodoo doak-kana.

MAZMUR 119:27

Tulu-fali au, fo au alelak matalolole O hoholo-lalanem-mala, neukose au tai-dodoo, O nanolim fo, nanadodoo doak ndia.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MAZMUR 63:2

Ou Manetualain, au Manetualaing-nga nde O, au sanga ma ahiik O. Sama leo dae tokotik-ka, ana maa ma'da oe, leondiak boe, au maa ma'da neu O.

MAZMUR 68:25

Basa-basas lita O sesengim-ma, ou Manetualain, Hataholi-la beenongo, fo loo au Manetualaing-nga, au Maneng-nga leo mamana leleon-na neu.

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

MAZMUR 73:17

Mate'en-na, au masok leo Manetualain Uman dale u, boema au alelak hataholi mangalauk-ka, so'da mate'en-na.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

YESAYA 46:5

Emi nau makasasamak Au o see? Ade hapu hata fo, sama no Au do?

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.