MAZMUR 75:9 - Susula Malalaok Hehelu Palak Ma Hehelu Beuk

⁹ Manetualain nasa-melun sama leo nggalas-sa nai liman dale, nggalas ndia, oe angol manalak-ka nai dalek, Manetualain po'a nggalas ndia isin-na, neu basa hataholi mangalauk manai daebafak-ka, fo muse linun losa basan.

MAZMUR 75:9 ပူးပေါင်းရင်းမြစ်များ

AYUB 21:20

Nemen-na, fo hataholi masala-masingok-ka, ana lu'a-lepa aon sala-singon, nemen-na, fo name'da nita, Manetualain Fo Mademaina, nasa-melun.

MAZMUR 104:33

Au nau akamee ba'eneu Manetualain, nai au fai maso'dang-nga dalek, akamee koa-kio ba'eneu au Manetualaing-nga, beidai, au beita mate fa.

MAZMUR 40:10

Nai O anam-mala makaluku-makatelen-na dalek, au tui-benga hala malole-a ae O soi-tefam-mala ami so. Au ta hahae, tui-benga dede'ak ndia fa, O bubuluk basa sila-la, ou Manetualain.

MAZMUR 60:5

O po'ilotak O anam-mala la'ola'di doi-doso mabelaina; ami masoo-penok, sama leo hataholi manamafuk-ka.

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

YEREMIA 25:15

Manetualain, Israel Manetualain-na, nafa'da neu au nae, “Ho'im-ma nggala angol ia fo Au isi basan nenik Au angol nasa-melung-nga. Menin lo basa leoina fo nai bee Au adenu o-a, fo madenus ala linu angol ia.