MAZMUR 74:12 - Susula Malalaok Hehelu Palak Ma Hehelu Beuk

¹² Ou Manetualain, neme makasososan mai-a, au maneng-nga nde O, O nde soi-tefa-mala ami-a.

MAZMUR 74:12 ပူးပေါင်းရင်းမြစ်များ

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

MAZMUR 5:3

Taoafik neu au dokodoeng ma tulu-fali au, ou au Maneng ma au Manetualaing-nga.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.

HATAHOLI 7:7

Tehu hataholi mana taos da'di ata sila la, neukose Au hukus, fo ala kalua leme nusak ndia mai, fo ala sene-do'ok neu Au nai mamanak ia.’

SEMUEL SUSULAK-KA ESAN-NA 19:5

Ana pasak so'dan-na, nai lelek ana taonisa Goliat, ma Manetualain fe basa Israel sesengi matuaina tunga Dauk so. Ama mita matam manada'dik ndia so, de nai lelek ndia, ama mamahoko. Da'di, tao le'e de besak ia, ama sanga tao doi-doso hataholi sala taak-ka, ma ta no ne'ek hata esa boen, ama nau taomisa Dauk?”