MAZMUR 73:24 - Susula Malalaok Hehelu Palak Ma Hehelu Beuk

²⁴ O hela-nole au, nenik nanoli-nafa'dak, de makabuin-na, O sipok au no ha'da-holomata.

MAZMUR 73:24 ပူးပေါင်းရင်းမြစ်များ

MAZMUR 16:7

Au koa-kio Manetualain fo mana manoli-mafa'da au-a; nai fai le'odaen-na, au dale bobongoanang-nga, nanoli-nafa'da au.

MAZMUR 25:9

Manetualain hela-nole hataholi manamakaloe-makadae aok-ka, ma nanolis hihii-nanaun-na neus.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

MAZMUR 48:14

Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

MAZMUR 49:15

Sila nananaketuk soaneu mate, sama leo bi'ilopo-a; neukose mamates-sa da'di sila manafoon. Fafai-fafain-na hataholi ndoos-sa sengis; aopaan-nala naboo no lai-laik nai hataholi manamatek-ka daebafan-na, fo dook-ka neme mamana leleo tetu-temak-ka mai.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YESAYA 48:17

Israel Manetualain malalao-malalafun-na, ma o Manasoi-tefam-ma, nafa'da nae, “Au nde o Amam Manetualaim, fo namanenenanoli o, hata fo masosoa-ndandaak ba'eneu o, ma Ana hela-nole o, nai enok fo, o tungak-ka.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YESAYA 58:8

Soona, neukose mangale'dok-ka, ana tii ba'eneu emi, sama leo dulu fula, ma neukose emi bisum-mala, ala lea-hai no lai-laik. Neukose, Au sama-sama o emi, fo Au soi-tefa emi. Neukose Au asulu-ahapa emi, neme bu'u-bu'uk lala'en-na mai.

BILANGAN 9:22

Nai lelek ko'as ndia bei nai Manetualain Lalaa Teman lain, fafa'kama faik dua dalen-na, bulak esa, teuk esa, do teuk esa lenak, nai lelek ndia boe, hataholi Israel-la leo lahele leme mamanak ndia. Fo metema, ko'as ndia kae soona, besak-ka ala la'o.

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

YOHANIS 17:5

Amak! Mamatutua-mamadedema Au besak ia leona soaneu Ama ka, ninik matua-madema fo Au o Ama ka manuun, te daebafak ia beita nananakadada'dik fa.

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.