MAZMUR 73:1 - Susula Malalaok Hehelu Palak Ma Hehelu Beuk

¹ Asaf Kokoa-kikion. Tete'ek-ka, Manetualain malole ba'eneu anan-nala, ba'eneu hataholi fo, dalen-na neuisik.

MAZMUR 73:1 ပူးပေါင်းရင်းမြစ်များ

1 TAWARIKH 15:17

Nai manamakameek sila-la teidalen nala dalek, ala hele hataholi-la fo lakaminak simbal liti nde ia: Heman, fo Yoel anan na sama-sama no tolano ka'a-fa'din fo mana'de Asaf fo Berekhya anan na, ma Etan fo Kusaya neme teidale-bobongik Merari anan na. Soaneu manatungas ala boema manamakaminak kecapi fo lii na nai lain, hataholi Lewi fo nanahelek kala nde ia: Zakharia, Yaaziel, Semiramot, Yehiel, Uni, Eliab, Maaseya, ma Benaya. Soaneu manamakaminak kecapi fo lii na nai dae, hataholi Lewi fo nanahelek kala nde ia: Matica, Elifele, Mikneya, Azazya, ma manamanea Manetualain Uman na, hataholi dua, fo nde: Obed-Edom ma Yeiel.

1 TAWARIKH 16:37

Basa boema Manek Dauk ka fe bela-ba'uk neu Asaf ma hataholi Lewi fe'ek kala soaneu ala ito-ato lahele basa hata fo natutik no makaluku-makatele a nai mamanak fo nai bee Manetualain Peti Hehelu-balataan nanape'dak. Tunga faik sila muse tao bela-ba'uk lai ndia,

1 TAWARIKH 16:7

Ndia nde la'i makasososan-na Dauk fe Asaf ma nono nala lakamee koa-kio neu Manetualain.

1 TAWARIKH 6:39

Asaf nde been-na mauli-malangan nai manamakameek ka 2. Bei-ba'in tutuin-na neme dae leo lain fo losa Lewi nde ia: Asaf, Berekhya, Simea,

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 24:4

Hataholi fo dudu'a-aafin ma tatao-nono'in fo ta nasala fa, ma ana ta soo-supa pepekok, ma ana ta sene-do'ok neu sosongo-tatangok fa.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 50:1

Asaf kokoa-kikion. Manetualain Fo Manakoasa, kokolak nae, Naloo bou-bou neu daebafak-ka lala'ena, neme dulu losa muli.

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

MAZMUR 73:18

O fes lapadeik leu eno talimo'dis-sa, de O po'ilotak-kasa tu'u leu, de mopo-mates.

MAZMUR 83:1

Asaf Kokoa-kikion: nakameek esa.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 1:47

Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!