MAZMUR 72:17 - Susula Malalaok Hehelu Palak Ma Hehelu Beuk

¹⁷ Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 72:17 ပူးပေါင်းရင်းမြစ်များ

KEJADIAN 12:3

Neukose, Au ba'e-pala hataholi fo, manafe o baba'e-papalak, ma Au soo-supa hataholi fo, manasoo-supa o-a. Ma hu kande o, de neukose Au ba'e-pala basa leoina manai daebafak-ka lala'en-na.”

KEJADIAN 22:18

Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.”

2 SEMUEL 7:16

Neukose, o tititi-nonosim, ta ketu-basa fan, ma neukose, Au tao-a o nusam-ma, nakatatakak losa dodoon-na. Neukose, o tititi-nonosim esa, ana paleta da'di leo manek losa dodoon-na.’ ”

MAZMUR 21:7

O ba'e-palan nakandondoo henin; O mamaim-ma, tao-nan henuk no namahoko-seteleek.

MAZMUR 45:17

O, fo au maneng-nga, neukose o hapu anatouk makadotok, fo langatuu o bei-ba'i kaim-mala kandela manen-na. Neukose o taos da'di manakoasa neu daebafak-ka lala'ena.

MAZMUR 89:36

La'i esa losa dodoon-na, Au soo-supa nenik Au na'de malalao-malalafung-nga; neukose Au ta asapepeko-asandandali neu Dauk fa.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

MATEOS 1:21

Neukose Maria bongi na ni'iana touanak esa. Soona o muse foi ni'iana ndia na'de Yesus, nanahu neukose ni'iana ndia nde soi-tefa nala hataholi daebafa ka sala-singo nala.”

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

LUKAS 1:48

Ana nafandele au fo atan matasi'da-matasaik ia! Mulai besak ia, basa leoina la lafa'da lae, au aua-anale.

HATAHOLI 3:16

Tolanoo kala mitan, ma emi mita hata da'di neu hataholi lu'uk ia so. Hataholi lu'uk ia, ana da'di hataholi balakaik, boema ana lea-hai so, nana namahele Yesus ma koasa na. Hu ka nde hataholi ia namahele Kristus, de ana lea-hai nai tolanoo kala basa-basam matan so.

GALATIA 3:14

Kristus tao leondiak, fo ela baba'e-papalak fo Ana helu fen neu Abraham ma, Ana fen neu hataholi ta Yahudi la boe. No enok ndia, ita fo tamahele neu Manetualai na, hapu sipo Dula Dalek fo Manetualain heluk ndia boe.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

EFESUS 3:14

Hu ka nde ndia de, au senek nai Ama ka matan.

FILIPI 2:10

Soaneu fe ha'da-holomata neu Yesus de, basa hata manai nusa so'da ka, ma manai daebafa ka, ma manai baebafa ka bui na boeo, ala sene-do'ok neun.

KOLOSE 1:3

Ami mamanene hataholi la lafa'da lae, emi mamahele Kristus Yesus ma emi sue-lai Manetualain hataholi nala boe. Hu ndia de, nai lelek fo ami hule-haladoi fe emi soona, ami moke makasi tataas esa neu Manetualain, fo ita Lamatuan Yesus Kristus Aman.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”