MAZMUR 72:15 - Susula Malalaok Hehelu Palak Ma Hehelu Beuk

¹⁵ So'da-molek ba'eneu ama manek! Ela leo been-na, tunu-hotu fen lilopilas neme Arab mai, Ela leo been-na, nanahule-haladoik tunga faik, ma nanaba'e-palak tataas esa.

MAZMUR 72:15 ပူးပေါင်းရင်းမြစ်များ

1RAJA-RAJA 10:10

Basa boema nusa Syeba ina manen ndia fe Salomo bua palsen fo neni kala, fo nde: lilopilas kilo lifun haa lenak ma batu poemata makadotok boema bumbu ndende. Salomo ta hapu sipo nita seluk bumbu makadotok leondiak so'on sama leo nusa Syeba ina manen-na fen nana fa. (

1RAJA-RAJA 10:14

Tunga teuk, Mane Salomo sipo lilopilas hihii nae losa kilo lifun duahulu telu,

2TAWARIKH 9:1

Nusa Syeba ina manen-na namanene la'eneu Salomo na'den-na nanakoa-nanakiok. Boema ana mai leo Yerusalem mai soaneu ana fola Salomo nenik natatanek mateaina-la. Ana mai no manatunga dean makadotok nanseli ma onta manafua bumbu, batu poemata ma lilopilas makadotok nanseli. Nai lelek latongo loo Salomo boema ina manek ndia fe natatanek mata-matak lala'en-na fo ana hapu dudu'a-dodoon-nan.

MAZMUR 21:4

O mai neun no baba'e-papala manasasi kao-kaok-ka, ma O tao ti'ilanga lilopilas-sa neu langan lain.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

YESAYA 60:6

Onta makadotok lakamomotu-la, o nusam-ma, ala mai leme Midian ma Efa mai. Hataholi-la leni lilopilas ma boomenik neme Syeba mai, boema ala koa-kio Manetualain tatao-nono'in.

MATEOS 2:11

Boema lakandoo leo uma dale leu de lita ni'iana ndia no inan Maria. Tutika ala senek de lakaluku-lakatele neu ni'iana ndia. Boema ala buka sila mamana pepe'da bua lo'an de, ala ho'i-la sila tutunu-hohotun de ala fen neu ni'iana ndia. Hataholi kateluk sila la lini lilopilas, boominik, ma aidaa tuu kaboominik.

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

MATEOS 6:10

Ami mane ma nde O, Ela leo bee na, O paleta nai daebafa ka fo ela ala tao tunga O hihii-nanaum, sama leo nai nusa so'da ka.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

YOHANIS 14:19

Bei ela ka'da ba'ihanak mesa kana fo daebafa ka ta nita Au so'on. Tehu emi mita Au. Ma hu ka nde Au aso'da, de emi boeo maso'da.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

FILIPI 2:11

Basa-basas lala'ena, neukose ala manaku lae, Yesus Kristus nde Lamatua ka; no enok ndia Amak Manetualain nanakoa-kiok.

1 TESALONIKA 3:11

Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

2 TIMOTIUS 4:22

Ela leo bee na, Lamatua ka nahele nai o boboa ma. Ela leo bee na, Lamatua ka fe baba'e-papalak neu tolanoo kala! Ha'da-holomata neme ami, Paulus

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

1 YOHANIS 1:2

Lelek fo maso'dak ndia natu'du ao ina na, ami mitan. Hu ndia de ami da'di sakasii la'eneu maso'dak ndia. Ami tui-benga fe emi, so'da matetu ka ma mana ketu basa ta ka, fo hapun sama-sama no Ama ka, boema Ama ka natu'dun neu ami de ami mitan so.

YUDAS 1:25

Ka'da Ndia mesa kana nde Manetualain fo Manasoi-tefa ita tunga ita Lamatuan Yesus Kristus. Ndia nde Manetualain fo mandela-masa'ak, matua-madema, mana koasa, ma manini-mafa'dak, neme makahulun eli losa besak ia, ma losa dodoo na! Amin.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.