MAZMUR 71:22 - Susula Malalaok Hehelu Palak Ma Hehelu Beuk

²² Au sanga koa-kio O nenik gambus, nana O lilineka, ou au Manetualaing-nga. Au nau akamee, nakamee kokoa-kikiok ba'eneu O, nenik kacapi, ou Israel Manetualain fo malalao-malalafuk.

MAZMUR 71:22 ပူးပေါင်းရင်းမြစ်များ

2RAJA-RAJA 19:22

Ade, o bubuluk, see kande o dodoki-aalin, ma o makamumulu-makamamaek-kana ndia, do ta? Au, Israel Manetualain, Manetualain fo malalao-malalafuk! O heheo-hihilum koao-ndaeaok nanseli soaneu Au.

MAZMUR 138:2

Au senek asale leo, O Uma malalao-malalafum-ma neu, boema au koa-kio O na'dem-ma, nana O lilineka, ma sue-lai tataas esa. O paluu O hehelum-ma, lena neme hataholi hahapun-na, la'eneu O aoinam-ma.

MAZMUR 144:9

Ou Manetualain, neukose au akamee nakamee beuk ba'eneu O, ma au akaminak kecapi no nakameek.

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

MAZMUR 33:2

Moke makasi neu Manetualain nenik kacapi, makamee ba'eneun, nenik sasanu liik.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 56:4

Lelek au bii-amata'u-a, au amahena neu O.

MAZMUR 78:41

Ala so'ba Manetualain la'i ba'uk-ka, ala tao susa Israel Manetualain Fo Malalao-malalafuk-ka.

MAZMUR 89:1

Etan fo hataholi Ezrahi, nakamee nanolin-na.

MAZMUR 89:18

O fe ami sesengik matuaina, hu kande O dale malolem-ma, de ami sengi.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

MAZMUR 98:4

Eeki-matadale ba'eneu Manetualain leona, hai basa daebafak-ka lala'ena lemin! Koa-kio Manetualain nenik nakameek, ma eeki-natadalek.

MAZMUR 98:5

Makamee nakamee kokoa-kikiok ba'eneu Manetualain, nenik nakaminak kecapi.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 43:3

Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YESAYA 5:16

Tehu Manetualain Fo Manakoasa natu'du matua-mademan nenik Ana tao hata fo ndoos. Neukose natu'du malalao-malalafun, nenik naketu-nala'di leoinan-na.

YESAYA 5:19

Emi mafa'da mae, “Nemen-na Manetualain fo Israel Manetualain malalao-malalafun-na, Ana ho'i nakeketuk no lai-laik! Nemen-na fo, nakalala'ok dale tutu'un-na, fo ela ita tita ma bubuluk.”

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

ROMA 15:8

Nana, mafandendelek te, Kristus nalalau-naoono hataholi Yahudi la a, fo ela ana da'di natutu'duk esa nae, Manetualain ta nafandele heni tao natetu hehelu-balataan neu ita bei ba'ikai nala.