MAZMUR 71:13 - Susula Malalaok Hehelu Palak Ma Hehelu Beuk

¹³ Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

MAZMUR 71:13 ပူးပေါင်းရင်းမြစ်များ

ESTER 9:2

Hataholi Yahudi-la lakabubua, de ala teik esa-dalek esa lai basa kota lala'en-na, fo leu sapu-la basa hataholi fo lape'da dale mangalauk neus-sala. Leoina-la su'di nai bee boe, ala bii lanseli loo hataholi Yahudi-la, nalosa ta hapu hataholi esa boen, napalani nasasalematak no fas.

MAZMUR 109:29

Nemen-na fo, hataholi manakalaak au-a, nakamumulu-nakamamaek-ka, poti-nalas, ma bibii-mamaek-ka nalu'e-nalas sama leo ba'du manalua.

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

MAZMUR 35:4

Nemen-na fo, hataholi fo ana nau taonisa au-a, ana kala ma nananakamamaek. Nemen-na fo manalalahalak la'ban au-a, lakadedeak no lapangamak.

MAZMUR 6:10

Manetualain namanene au dokodoeng-nga, de Ana sipok au huhule-haladoing.

MAZMUR 70:3

Nemen-na fo, hataholi fo ana hii taonisa au-a, ana kala fo nalai no napangamak. Nemen-na fo, hataholi manaeeeki-matadale au ua-naleng ta maloleng-nga fa, ana kala fo nakadedeak, ma nananakamumulu-nakamamaek.

MAZMUR 71:24

Nai fai katemak esa dalek, neukose au tui-benga O ndo ma matetum-ma, nana hataholi fo ala nau tao soe au-a, ala kala ma ala hapu mamaek so.

YESAYA 41:11

Mete leona, te basa hataholi fo lamanasa o-a, neukose ala mae, ma na'den-nala langgenggeo. Hataholi manala'ban o-a, neukose mate-mopon, fo mopon.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”