MAZMUR 70:3 - Susula Malalaok Hehelu Palak Ma Hehelu Beuk

³ Nemen-na fo, hataholi fo ana hii taonisa au-a, ana kala fo nalai no napangamak. Nemen-na fo, hataholi manaeeeki-matadale au ua-naleng ta maloleng-nga fa, ana kala fo nakadedeak, ma nananakamumulu-nakamamaek.

MAZMUR 70:3 ပူးပေါင်းရင်းမြစ်များ

MAZMUR 35:21

Ala eki ma lafa'da au, lae sila lita basa au tatao-nono'ing so.

MAZMUR 35:25

Boso po'ilotak, ala lafa'da lai dalen-nala dalek lae, “Makasi, ita taotisan so Ita hihii-nanaun nanatao natetuk so!”

MAZMUR 40:15

Nemen-na fo, hataholi fo nahiik taonisa au-a ana kala boema nalai napangamak. Nemen-na fo, hataholi manaeki au doi-dosong-nga, ana kala ma nananakamumulu-nakamamaek.

MAZMUR 71:13

Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

MAZMUR 71:24

Nai fai katemak esa dalek, neukose au tui-benga O ndo ma matetum-ma, nana hataholi fo ala nau tao soe au-a, ala kala ma ala hapu mamaek so.

YESKIAL 25:3

Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

YESKIAL 36:2

‘Lelek leoina titia-tataik-kala, sapu-la emi, ma lamanako emi hata-hetom-mala, ala lakamumulu-lakamamaek basa Israel lala'en-na so. Ala kokolak no namahokok, lae pupukuk makahuluk sila-la, besak ia, da'di sila nuun so. Hu ndia de, hai letek-kala ma pupukuk-kala, lee anak-kala ma bafak-kala, hai kota-kota fo manada'di ai batu manatapasasalak-kala, ma kota fo hataholin-nala la'oelan so, boema leoina titia-tatain-nala, lamanako ma ala hakinonolin-na, mamanene hata fo, Manetualain Fo Mademaina nafa'dan neu emi nae: Nai Au nasa-melung fo manalua ponu-ponung-nga dalek, neukose Au fe nasanene'da mahelek neu leoina fo, manai emi titia-tataim-mala, lena-lenak neu Edom, nanahu no namahokok, sila lakamumulu-lakamamaek, ala loso-la Au daeng-nga, ma ala loso-la moo mana'un-nala. Besak ia, Au amanasa anseli, nanahu leoina sila-la, lakamumulu-lakamamaek, boema lakadadaek emi.

HATAHOLI 1:18

Yudas ia, ana hapu dae fo ana da'di mamana loo-laten neme ngga'di mana ke'dindiu mangalau na mai so. Ana tu'da de tatika'di tei na, boema tei aten basa-basan poka leo deak mai, de maten.