MAZMUR 7:16 - Susula Malalaok Hehelu Palak Ma Hehelu Beuk

¹⁶ Ana kali bolok soaneu hataholi fe'ek, tehu ndia mesak-kana nde tu'da leo dalek neu.

MAZMUR 7:16 ပူးပေါင်းရင်းမြစ်များ

1RAJA-RAJA 2:32

Neukose Manetualain hukun nanahu kanisak fo ana taon te au amang ta bubuluk fa. Abner, Ner anan-na fo Israel malanga solda'du matuainan-na ma Amasa, Yeter anan-na fo Yehuda malanga solda'du matuainan-na ta lasala fa. Sila malole lena neme Yoab mai, tehu ana taonisas.

1RAJA-RAJA 21:19

fo mafa'dan mae Au, fo Manetualain nafa'da nae leoia, ‘O manisa so, baite o maseti-mahange bai! Hu ndia de, neukose busa-la lalamemei o daa ma nai mamanak fo busa-la lalameimei Nabot daa na!’ ”

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

AYUB 4:8

Tunga au mata memeteng-nga, soona hataholi manafoi-fala tina mangalauk-ka, fo ana sele-nggali bini-ngges susa-soe-a, da'di leo bubu'u-palusa de'en-na, soona, neukose ana ketu-kolu susa-soe, ma toto'a-tataak-ka!

MAZMUR 141:10

Nemen-na fo, hihi'in-nala nala seluk-kasa, tehu sa'di leo bee-na, au aso'da.

MAZMUR 35:8

Nemen-na fo, mamate-momopok-ka, tuni-nalas no kaiboik. Nemen-na fo, sila hihi'in-na, nala seluk-kasa, boema ala tu'da fo, mate-mopos.

MAZMUR 36:12

Boso po'ilotak hataholi manakoao-ndaeaok-ka, sapu-na au do hataholi mangalauk-ka usi au.

MAZMUR 36:4

Dede'a-kokolan mangalauk-ka, ma henuk no tipu-daik-ka, ana ta tao dede'a malole, ma manatee-tenok so'on.

MAZMUR 57:7

Au musung-ngala lona hihi'ik ba'eneu au, ma ala tao lamopo au manggateng-nga. Ala kali bolok nai au enong-nga, tehu sila nde tu'da leo dalek leu-a.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

AMSAL 1:19

Memak hataholi fo, ana sanga so'dan-na nenik eno naseti-nalakak-ka, neukose ana baen nenik so'dan-na mesak-kana.

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

PENGKHOTBAH 10:8

See kali bolok soona, neukose ana tu'da seluk leo dalek neu; see hona nakalulutuk papala nanadamak-ka soona, neukose menge malasok-ka kan.

SEMUEL SUSULAK-KA ESAN-NA 23:9

Tehu Dauk bubuluk basa, nae Saul nape'da dale mangalauk soaneun. Hu ndia de, nafa'da Imam Abyatar-ra nae, “Meni ba'du babaa fanak ndia leo ia mai.”

SEMUEL SUSULAK-KA ESAN-NA 26:10

No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.

SEMUEL SUSULAK-KA ESAN-NA 28:19

Neukose Anafe'o-ma hataholi Israel-la leo hataholi Filistin nala neu. Balahaa soona, o moo o anamanem-mala, neukose makabubua moo au; Nakalenak bai, neukose Manetualain fe solda'du Israel-la lala'en-na, leo hataholi Filistin-nala neu boe.”