MAZMUR 69:27 - Susula Malalaok Hehelu Palak Ma Hehelu Beuk

²⁷ Nana ala fepa-li'u hataholi fo, O hukuk-kala, ma ala kokolak hataholi fo, O fepa-li'uk-kala.

MAZMUR 69:27 ပူးပေါင်းရင်းမြစ်များ

NEHEMIA 4:5

Boso fe do'o do ampon neu tatao-nono'i mangalaun-nala, ma boso mafandeleheni sala-singon-nala, nana lakamumulu-lakamamaek basa ami, fo besak ia ami mafofo'a O umam-ma ia.”

AYUB 19:22

Manetualain ne'e nahele au; tao le'e de, emi na'da Ndia tatao-nono'in? Emi tao doi-doso u beita dai fa do?

MAZMUR 109:14

Nemen-na fo Manetualain nafandendelek nahele, bei-ba'i kain-nala, tatao-nono'i mangalaun-nala ma ta koka heni, inan sala-singon fa.

MAZMUR 24:5

Hataholi ndia nde, neukose Manetualain ba'e-palan ma soi-tefan, ma Manetualain nafa'da nae, hataholi ndia salan ta.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

KELUARAN 8:15

Lelek manek-ka nita, nae lo'donggelek sila-la mates so, boema nalanga batu. De sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 8:32

Tehu oek ia boe, manek-ka nalanga batu, de ana ta po'i leoina ndia, la'o fa.

KELUARAN 9:12

Tehu Manetualain tao-na manek-ka da'di nalanga batu, de sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YESAYA 53:4

Tunga ndoon-na, ana lu'a-lepak ndia, nde ita he'di-laun-na, ma doi-doson ndia, nde ita doi-doson-na, te se'kona, ita taedaeng-nga, doi-doson ndia, Manetualain hukun nde ndia.

IMAMAT 26:39

Bei ela emi hataholi maso'dam lumanak nai emi musum-ma nusan-na, neukose ala doi-doso, nanahu emi sala-singom, ma emi bei-ba'i kaim-mala sala-singon.

MATEOS 21:19

Ana mete nita ai kaak huuk esa nai eno ka su'u na. Boema neu leo ai ndia huu na neu te ta nita boak esa boen, te ka'da doo na mesa kana. Boema Ana nafa'da ai ndia nae, “Neukose o ta maboa so'on!” Tuti ka ai kaak ndia male henin.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

ROMA 9:31

Dede'a na nasafali de, hataholi Yahudi la sanga enok tataas esa tunga hoholo-lalanek, fo ela sila tututi-nanaton lo Manetualai na malole falik. Tehu nakalenak ala ta hapu buna boan fa.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.