MAZMUR 69:20 - Susula Malalaok Hehelu Palak Ma Hehelu Beuk

²⁰ O bubuluk, au nananakadadaek nanseli, nananakamumulu-nakamamaek ma nananakamuu-nakadauk, O mita la'iesak au musung-ngala.

MAZMUR 69:20 ပူးပေါင်းရင်းမြစ်များ

MAZMUR 123:4

Ami makabete no hataholi kamasu'ik-kala hakinonolin-na, ma hataholi manakoao-ndaeaok-kala nakadadaen-na.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 42:10

Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 42:6

Tao le'e de au daleng-nga he'dis-sa, ma ta tesa-tama fa? Au amahena neu Manetualain. Boema neukose au oke makasi seluk neun, neu au Manetualaing-nga ma au manasoi-manatefang.

YESAYA 63:5

Au sanga, tehu ta hapu manatulu-fali fa, Au dodoo doak-kana, ae ta hapu manafali fa. Boema, Au be'i-balakaing mesak-kana, nde tulu-fali Au-a, Au nasa-melung tulu-fali Au.

MATEOS 26:56

Tehu memak muse leondiak, fo ela hata fo nabi la sula kana nai susula Malalaok dale, ana da'di leona.” Basa ndia boema basa ana mana tunga nala lalai la'oelan.

MARKUS 14:37

Basa ndia boema, Yesus fali ma'in te nita ana manatunga nala sungu. Boema nafa'da Petrus nae, “Simon, o sungu do? O ta hapu manea ka'da li'u esa boen do?”

MARKUS 14:50

Basa Yesus ana manatunga nala lalai la'oelan mesa kana.

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

YOHANIS 16:32

Mafandendelek! Te neukose fai na losa, nakalenak ana losa so, te neukose ala tao tapasasala emi. Fo emi esa-esak fali leo uman neu, fo la'oela Au mesa nga. Tehu Au ta mesa nga fa. Nanahu Ama ka no Au.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.