MAZMUR 68:7 - Susula Malalaok Hehelu Palak Ma Hehelu Beuk

⁷ Manetualain sadia mamana leleok fe hataholi fo, maleu-malak-ka: Ana soi-po'i hataholi nanahukuk-kala, nalosa ala laua-lanale. Tehu hataholi manala'ban Manetualain-na, muse ana leo nai dae tokotiik.

MAZMUR 68:7 ပူးပေါင်းရင်းမြစ်များ

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

KELUARAN 13:21

Nai fai lele'don-na, Manetualain la'ok nai uluk, fo nai dii ko'as dale, ma nai fai le'odaen-na, Ana la'ok nakahuluk-kasa nai dii ha'ik dale, fo natu'du enok-ka. No enok ndia, ala hapu la'ok lele'do le'odaen.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

MIKHA 2:13

Neukose Au soi enok-ka, fo Au o emi kalua meme mamana tu'u-tapak mai. Neukose emi hona malulutuk lelesuina-la fo emi la'o no pe'daom. Au, Manetualain mesak-kana nde emi Manem, ma neukose Au hela-nole emi fo emi kalua.”

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

HAKIM-HAKIM 4:14

Boema, Debora nafa'da Barak nae, “Ayo, tutulumatak leona! Te Manetualain nde nauli-nalanga o. Faik ia, Ana fe o sengi Sisera.” Boema Barak sama-sama no hataholi lifu ka sanahulu duan-nala, kona leme Letek Tabor-ra lain mai;

HAKIM-HAKIM 5:4

Lelek O la'o meme Seir mai, ou Manetualain ma O la'oela nusa Edom-ma, daebafak-ka dele, lalai-a oelolon-nala boeo, latahuka, ma ko'as-sala, po'a oen-na mai.