MAZMUR 68:5 - Susula Malalaok Hehelu Palak Ma Hehelu Beuk

⁵ Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

MAZMUR 68:5 ပူးပေါင်းရင်းမြစ်များ

2TAWARIKH 30:27

Imam-imam-mala ma hataholi Lewi-la loke Manetualain baba'e-papalan ba'eneu laun-na, de neme mamana leleo-na nai nusa so'dak-ka, Manetualain namanene sila huhule-haladoin boema Ana sipok sila nonoke-na.

2TAWARIKH 6:2

Besak ia au afofo'a uma Mandela-masa'ak esa ba'eneu O, soaneu da'di O mamana leleom-ma losa dodoon-na.”

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 10:18

O masala'e anamaak-kala, ma hataholi nanatuni-ndenik-kala, dede'an-na, fo ela hataholi boso nakabibiik-kasa bai.

MAZMUR 118:19

Soi fe au, Manetualain Uman-na, lelesuinan-na, fo ela au u leo dalek u, fo au oke makasi neun.

MAZMUR 146:9

Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

MAZMUR 150:6

Ela leo bee-na basa mahahaek maso'dak-kala, koa-kio Manetualain. Koa-kio Manetualain leona!

MAZMUR 33:14

Manetualain mete besa-besa basa hata fo manaleo nai daebafak-ka neme kandela manen lain mai.

MAZMUR 72:2

Ela leo been-na, naketu-nala'di O anam-mala tunga hoholo-lalanek, ma ana tao hataholi nanatuni-ndenik-ka no ndoos ma matetuk.

MAZMUR 72:4

Ela leo been-na, manek-ka nasala'e laun nuu ta-hata tak-ka, haak-ka, tulu-fali hataholi nuu ta-hata tak-kala ma tao namopo-namate manatuni-ndenis-sala.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YEREMIA 49:11

Hei Edom! La'o ela o ana kisa anamam-ma neu Au, neukose au akaboboi fo ela o ina falum-mala tu'u dalek neu Au.

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

EFESUS 5:1

Emi nde bee na, Manetualai nana susuen. Hu ndia de, emi muse sanga enok fo tunga Manetualain heheo-hihilun.

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 26:15

Neme O mamana malalao-malalafum manai nusa so'dak-ka, o makanae ma O ba'e-pala O anam Israel; boeo O fe baba'e-papalak neu O fe ami nusak fo kamasu'ik ma maoe-maisik ndia, nandaa no O hehelu-balataam neu, ami bei-ba'i kaim-mala.’ ”