MAZMUR 68:35 - Susula Malalaok Hehelu Palak Ma Hehelu Beuk

³⁵ Manaku Manetualain koasan-na lole-napun, hapun nai Israel lain, koasan-na, nai ko'as-sala dalek.

MAZMUR 68:35 ပူးပေါင်းရင်းမြစ်များ

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

AYUB 37:22

Mangale'do manahiik-ka, ana to'da mai, neme kii mai, ma Manetualain mandela-masa'an, taon-na ita tasamanan.

MAZMUR 29:1

Dauk kokoa-kikion-na. Koa-kio Manetualain leona, hai mahahaek nusa so'dak-kala lemin, koa-kio matua-mademan ma koasan-na.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

MAZMUR 47:2

Totoko limam-mala no namahoko-seteleek leona, hai leoina-la lemin! Koa-kio Manetualain nenik eeki-natadalek!

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 66:20

Au koa-kio Manetualain, nana Ana sipok au huhule-haladoing, ma Ana ta hahae sue-lai au fa.

MAZMUR 66:5

Mai leona, fo mete Manetualain tatao-nono'in, tete'ek-ka, tatao-nono'in matua-madema nai hataholi daebafak-ka tala'da!

MAZMUR 76:12

Tao matetu o hehelu-balataam neu o Manetualain. Ela leo been-na, basa leoina fo, ala leo deka, leni tunu-hotuk ba'eneu Manetualain fo, nanabii-namata'uk-ka.

KELUARAN 15:1

Boema Musa no hataholi Israel-la lakamee nakameek-ka nde ia, soaneu ala koa-kio Manetualain nae, “Au nau akamee soaneu Manetualain, nana Ana sengi no namahoko-setelek so. Ana tapa basa ndala-la loo hataholi manasa'en-nala, leo tasi dale leu.

YESAYA 40:29

Ana fe hataholi manasota-manguk-kala be'i-balakaik, Ana fe manggatek neu, manandole-ndakuk-kala.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

ULANGAN 33:25

Ela leo been-na, nasulu-nahapa kotan-nala nenik lelesuina liti ma besi fo ela leo been-na, so'dan nee-nee lino-linok ma tetu-temak.”

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,