MAZMUR 68:20 - Susula Malalaok Hehelu Palak Ma Hehelu Beuk

²⁰ Koa-kio Manetualain leona, nana Ndia nde Manetualain, fo manasoi-tefan-na ita; Ana lepa ita bela-ba'un, neme faik leo faik neu.

MAZMUR 68:20 ပူးပေါင်းရင်းမြစ်များ

MAZMUR 56:13

Neukose au tao atetu au hehelu-balataang neu O, ou Manetualain, ma au tunu-hotu tutunu-hohotu makasi soaneu O.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

YOHANIS 4:22

Ba'eneu emi hataholi Samaria la soona, emi sene-do'ok meu hata fo emi ta malela kana fa, tehu ba'eneu ami hataholi Yahudi a soona, ami sene-do'ok neu Ndia fo ami malela kana, nanahu so'da-mole ka da'di neme hataholi Yahudi a mai.

YOHANIS 5:21

Amak ndia nde tao naso'da falik hataholi manamate kala, fo Ana fes maso'da matetu ka ma manaketu basa ta ka. Leondiak boe, Ana ka fe maso'da manaketu basa ta na neu hataholi fo nahiik hapu maso'da ka.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

NINITAK 20:1

Basa ndia boema, au ita ata nusa so'dak esa kona neme nusa so'da ka mai. Ana ho'u faka mamate sa nggoe na ma lange matuaina esa nai liman dale.

SEMUEL SUSULAK-KA ESAN-NA 2:6

Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.