MAZMUR 68:17 - Susula Malalaok Hehelu Palak Ma Hehelu Beuk

¹⁷ Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.

MAZMUR 68:17 ပူးပေါင်းရင်းမြစ်များ

2RAJA-RAJA 2:11

Duas beela'o, ma beekola lakandoo. No kaiboik, ndala maha'ik-ka, ana hela kaleta maha'ik esa mai, de ana si'da ba'e duas, boema ani kutus-sa so'u neni Elia leo nusa so'dak-ka neu.

MAZMUR 18:10

Ana fa'a ba'e lalai-a, boema Ana kona no ko'a makahatuk-ka nai ein-na dae.

MAZMUR 9:12

Koa-kio Manetualain fo manapaleta nai Sion-na! Tui tatao-nono'in neu leoina-la!

KELUARAN 3:5

Boema, Manetualain nae, “Boso deka-deka. O'du heni o ta'bueim-ma, nana o mapadeik nai dae lain ndia nde been-na, malalao-malalafuk.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

YESKIAL 43:9

Tehu neme besak ia, sila muse hahae sene-do'ok neu sosongo-tatangok, ma ala pe'daheok sila manen-nala popolan-nala. Basa ndia soona, neukose Au leo nai sila tala'da heon, losa dodoon-na.”

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

MATEOS 26:53

O maedae nga Au ta hapu oke tutulu-fafalik neme Au Amang mai, fo soaneu hatematak esa mesa kana, Ana haitua fe Au ata nusa so'dak lenak neme bubuak sanahulu dua mai, fo ala tulu fali Au fa do?

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

NINITAK 5:11

Basa boema au ita seluk. Au amanene ata nusa so'da lifu-lifuk ma juta-juta hala nala. Lapadeik okofefeo la kandela mane ka, ma mahahae kaha kala, boema lasi-lasik sila la.

NINITAK 9:16

Lafa'da au lae, solda'du manasa'e ndala sila la dede'u na nde bee soona, hataholi juta natun dua.