MAZMUR 66:15 - Susula Malalaok Hehelu Palak Ma Hehelu Beuk

¹⁵ Au tunu-hotu fe O, tutunu-hohotu nanatunuk, neme bana nanahelek-ka mai, bi'hiik bi'ilopo ma sapi mane fo ha'i masun-na, masu-masu leo lalai neu.

MAZMUR 66:15 ပူးပေါင်းရင်းမြစ်များ

2 SEMUEL 6:13

Lelek hataholi manandolo Peti Hehelu-balataak ndia, ala nggani, nggani eik nee so boema, Dauk nadenus fo late'e. Boema, ana tunu-hotu fe Manetualain tutunu-hohotuk, fo nde sapi mane ma sapiana maao.

EZRA 8:35

Nai faik ndia boe, basa hataholi fo manafali ma'is leme mamana tu'u-tapak mai ndia, ala fe tutunu-hohotu nanatunuk neu Israel Manetualain-na. Ala tunu-hotu sapi mane sanahulu dua, soaneu basa Israel-lala'en-na, bi'ilopo mane siohulu nee, ma bi'ilopoana hituhulu hitu; fe'ek neme ndia mai boe, ala tunu-hotu bi'ihiik sanahulu dua, soaneu tutunu-hohotu do'o do ampon ba'eneu sila boe. Ala tunu basa bana sila-la, da'di leo tutunu-hohotuk soaneu Manetualain.

MAZMUR 51:19

Tutunu-hohotuk fo ba'eneu Manetualain-na, nde been-na dalek fo nakalulutuk, dalek fo nakatele ma tuka tei-sale dalek-ka O ta tipa fan.

YEREMIA 41:5

hataholi faluhulu leme Sikhem, Silo, ma Samaria mai. Ala nggeu heni takudaen bulun-nala, papaken-nala siba'ek-kala, ma ala dudui lahina aon-nala. Ala leni gandum ma kemenyan soaneu ala tunu-hotu nai Manetualain Uman-na.

BILANGAN 6:14

ma neni fe Manetualain bana telu, ta mana lu'u-la'ak fa: bi'ilopo maneanak esa, besak-ka teuk esa, soaneu tutunu-hohotu nanatunuk, bi'ilopo tenaanak esa, besak-ka teuk esa, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu mole-dame.