MAZMUR 66:12 - Susula Malalaok Hehelu Palak Ma Hehelu Beuk

¹² O po'ilotak musu-a heheta-aa'i ami; ami la'ok tunga faa, ma ha'i-a tala'da. Tehu besak ia, O moo ami leo mamana tetu-temak-ka neu.

MAZMUR 66:12 ပူးပေါင်းရင်းမြစ်များ

2 SEMUEL 15:17

Nai lelek manek-ka no basa hataholi manatungan-nana, ala la'oela kota boema, ala hahae deka loo uma mate'ek-ka.

AYUB 36:16

Manetualain soi-po'i o neme toto'a-tataak-ka mai, nalosa o hapu mame'da mita mole-dame-a, ma o mei nana'am-ma, henuk no nana'ak-ka.

AYUB 5:19

Metema, soe-a mai soona, o nanasoi-tefak tataas esa.

MAZMUR 33:19

Ana soi-tefa-nalas, leme mamates-sa mai, ma Ana fes laso'da, nai tepo lelek la'a-ndoes-sa.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

DANIAL 3:26

Boema Nebukadnezar neu de napadeik deka ha'i manafolokakaak ndia lelesun-na, ma naloo bou-bou nae, “Sadrakh, Mesakh ma Abednego, Manetualain Fo Mademaina, atan-nala lemin! Kalua meme ha'i manafolokakaak ndia dalek mai leon!” Boema ala kalua leona.

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.