MAZMUR 65:5 - Susula Malalaok Hehelu Palak Ma Hehelu Beuk

⁵ Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 65:5 ပူးပေါင်းရင်းမြစ်များ

MAZMUR 107:23

Hapu nggelok seluk, ala sa'e ofak tunga tasi lai, fo ala sanga so'dan-nala nai tasi maloa dale.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 36:9

Ala la'a lakabete nana'ak fo, manasasi kao-kaok-ka, nai O Umam, O fes linu neme O leem fo, oen-na neni ao mapenak.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 84:5

Tete'ek-ka, maua-manalek ba'eneu hataholi fo ana leo nai O Umam-ma, ma nakamee kokoa-kikiok ba'eneu O tataas esa.

MAZMUR 85:4

O ta mamanasas so'on; O hela falik, O nasa-melum matuainam-ma.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 60:5

O mete-mita ndia boema, o dodoo doak-kana ma o mata-panam napena; o nggenge ma o dalem-ma namatua. Leoina-kala, leni hata-heton leo o mai, o hapu su'i-betes manasasi kao-kaok-ka, neme tasi selik mai.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

HAGAI 2:23

Nai faik ia, neukose Au so'u o Zerubabel, fo Au atang-nga, fo o paleta menik Au na'deng-nga. Nanahu, o nde, Au hele basak-ka so.” Manetualain Fo Manakoasa nde manakokolak-ka.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ULANGAN 10:21

Koa-kion, nana Ndia nde emi Manetualaim-ma. Emi mita matam, Ana tao fe emi, tatao-nono'i matuaina-la, ma maneni bibii-namata'uk-ka.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

NINITAK 16:5

Boema au amanene ata nusa so'dak fo manakoasa oe nae, “Huhukuk fo O maketu ka nde bee na tunga ndo na, ou Malalaok, Manetualain fo nai ia, ma nai ia so!