MAZMUR 62:4 - Susula Malalaok Hehelu Palak Ma Hehelu Beuk

⁴ Losa faihi'da, emi basa-basam-mala, nau sapu-ma hataholi esa, fo hataholi ndia, sama leo papala maso'ok-ka, ma papala nanadamak fo, hihii nae bala neu-a?

MAZMUR 62:4 ပူးပေါင်းရင်းမြစ်များ

MAZMUR 119:163

Au ta ahiik basa pepekok lala'ena fa, tehu au sue-lai O hoholo-lalanem.

MAZMUR 28:3

Boso tao mamopo-mamate au sama-sama no hataholi malelesik-ka, sama-sama no hataholi manatao tatao-nono'i mangalauk-ka. Metema ala kokolak no hala mangana'uk, tehu dalen-nala soona henuk no kaboo-kabalik

MAZMUR 5:9

Ou Manetualain, au musung-ngala makadotok! Hela-nole au fo tao-no'i O hihii-nanaum, ma matu'du O enom fo au muse tungan.

MAZMUR 51:6

Soaneu O, ka'da soaneu O mesam-ma, au asala-asingo, ma au tao hata fo O mafa'da mae mangalauk. Hu ndia de, nandaa O huku au, O naketu-nala'dim, ndoos ma matetuk.

MAZMUR 52:3

Hai hataholi balakaik-konei, tao le'e de, o koao-ndaeao menik o tatao-nono'i mangalaum-ma, soaneu hataholi fo Manetualain sue-lain?

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

AMSAL 13:5

Hataholi manatao tunga ndoon-na, ana ta hii masapepeko-masandandalik-ka fa, hataholi mangalauk-ka, heheo-hihilun neni mamaek ma tao nanggenggeo aoinan-na.

YESAYA 30:13

Hu ndia de, emi masala. Emi sama leo papala nanadama mademaina, fo natandala neme lain leo dae neu; neukose no kaiboboianak, emi bala meu.

HOSEA 7:3

Manetualain nafa'da nae, “Laun-na sanga enok, fo ala tao lamahoko manek-ka, ma manapaleta-la dalen-nala, nenik tipu-daik ma tatao-nono'i mangalauk.

MATEOS 2:16

Nai lelek fo Herodes bubuluk hataholi malela nduuk sila la ke'dilan boema namanasa nanseli. Boema ana po'i paleta fo daenga do'dolisa basa ni'iana touana kala lala'ena. Mulai neme teuk dua leo dae neu. Mulai neme Betlehem ma nggolo titia-tatai nala. Dede'ak ndia nandaa no hataholi malela nduuk sila la hala nafafa'dan la'eneu lelek fo nduuk ndia ana to'da mai,

MATEOS 22:15

Basa boema hataholi Farisi la lakabubua, fo lalahalak la'eneu tao leo beek fo ala hapu lakahihi'ik la Yesus ninik natatanek.

MATEOS 22:23

Bei nai faik ndia dale na boe, hataholi Saduki de'ubee ala mai leo Yesus mai. Hataholi sila la nde bee na leme nakabubuak fo hahapu nala lae, hataholi mana mate kala, neukose ta laso'da falik soon.

MATEOS 27:1

Fafai anak boema malanga imam ala ma lasi-lasi Yahudi la ho'i nakeketuk, fo tao lisa Yesus.

LUKAS 11:39

Hu ndia de Lamatua ka nafa'dan nae, “Memak emi hataholi Farisi la, biasa safe balisi ka'da pinga mango dea na, tehu nai emi aoinam dale soona, henuk no naseti-nalaka ka ma mangalau ka.

LUKAS 20:20

Da'di ala sanga fai lelak malole. Ala solok hataholi soaneu ala tao da'dileo hataholi ndoos, fo ladenu hataholi sila la lakahihi'ik Yesus ninik natatanek, fo ela ala hapu fen leo Gobelno la koasan dale neu.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 7:22

Au dale nga nahiik Manetualain hoholo-lalanen,

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.