MAZMUR 60:6 - Susula Malalaok Hehelu Palak Ma Hehelu Beuk

⁶ O fe hataholi kamahehelek-ka nasanene'dak, fo ela ala lala huhukuk-ka deak.

MAZMUR 60:6 ပူးပေါင်းရင်းမြစ်များ

KEJADIAN 12:6

Abram la'ok okofefeo dae ndia, nalosa ana losa ai manituk esa nai More, fo mamana makaluku-makatele nai Sikhem. (Nai tepo-lelek ndia, hataholi Kanaan-nala bei leo mamanak ndia.)

2 SEMUEL 3:18

Nah, emi fai loam ndia, ana losa nde ia so. Mafandendelek te, Manetualain helu basa neu Dauk, nae neukose Ana pake Dauk, soaneu soi-tefa Anan Israel neme hataholi Filistin-nala mai, ma neme basa musu fe'e-fe'en-nala mai.”

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

MAZMUR 56:4

Lelek au bii-amata'u-a, au amahena neu O.

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

MAZMUR 89:35

Au ta la'olena Au hehelu-balataang no fan, neme basa Au hehelu-balataang-ngala mai, Au ta hela falik esa boen.

YEREMIA 23:9

Au hala haituang-nga nde ia la'eneu nabi-la; Au daleng-nga nakalulutuk ma au ndele nggebe-nggebe. Nanahu Manetualain ma hala kokolan fo malalao-malalafuk-ka, taon-na au sama leo hataholi manamafuk fo mananinu angol ba'uk.

AMOS 4:2

Au, Manetualain Fo Mademaina, nde been-na Manetualain fo malalao-malalafuk, ma Au helu basa ae neukose emi nanalele'a-lolosok nenik besi kakaik. Emi basa-basam-mala neukose sama leo i'ak-ka nai dolu isin-na.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 13:27

Nai Bafak Yarden-na, fo leo Gad-ta nusan ndia, neni Bet-Haram, Bet-Nimra, Sukot ma Zafon, fo nde bei ela Mane Sihon manai Hesybon-na, nusa paletan-na. Leo Gad-ta nusan ndia, too muli nde Lee Yarden-na, losa leo Dano Galilea nai boboak kii.

YOSUA 17:7

Leo Manasye nusan-na, toon-na, mulai neme Asyer leo Mikhmetat neu, fo nai Sikhem boboan dulu. Too ndia, neme ndia mai, de ana kona leo kona neu, losa leo-ingu En-Tapuah nusan-na.

YOSUA 20:7

Boema hataholi Israel-la, hele kota-kota manai nusak manai Lee Yarden-na boboan muli, da'di kota mananasulu aok. Kota sila nde: Kedes, nai letelepak Naftali, fo nai Galilea, Sikhem, nai letelepak Efraim, ma Hebron, nai letelepak Yehuda,

YOSUA 24:1

Yosua naloo nakabubua basa leoina Israel-la leon-nala neme Sikhem, de nadenu basa lasi nggolok-kala, mauli-malangan-nala, manakee-manafula, ma basa malanga solda'du matuaina-la, fo mai lataa. Boema, ala mai lataa Manetualain.

YOSUA 24:32

Latoi Yusuf popolan fo hataholi Israel-la lenin neme Masir mai-a, nai Sikhem, nai dae fo Yakob asa-nan nenik doifulak natun esa neme Sikhem anan Hemor, anan-nala mai. Yusuf tititi-nonosin-nala hapu dae ndia.