MAZMUR 59:4 - Susula Malalaok Hehelu Palak Ma Hehelu Beuk

⁴ Mitak, lasasalematak lo au fo ala sanga taolisa au, hataholi dale susue-lalai taak-kala lakabubua fo la'ban au; te se'kona, ta hu kande au tao basa sala-singok so, do au tao tatao la'olenak so, ou Manetualain.

MAZMUR 59:4 ပူးပေါင်းရင်းမြစ်များ

KEJADIAN 40:15

Nana, tunga ndoon-na makahulun-na au nanaho'i namanakok neme hataholi Ibrani la nusan-na mai ma nai ia fo nai Masir boe, au beita tao ita tatao-nono'i mangalauk hata esa boen, losa muse nanataok leo bui dale neu fa.”

MAZMUR 35:19

Boso po'ilotak au nananakamiminak neme hataholi fo manamusu loo au-a no sosoa-taak. Boso po'ilotak au nanaeki-natadalek, neme hataholi fo lakamuu-lakadau au ta no enon-na fa.

MAZMUR 35:23

Fo'a leona, fo masala'e au dede'ang-nga, ou au Manetualaingma au Amang-nga, tulu-fali au leona!

MAZMUR 44:23

Hu kande O de, mamates-sa tunga nahele ami, de ana tao ami da'di bi'ilopo nanado'do-pauk.

MAZMUR 5:6

O ta makatatakak mete hataholi manakoao-ndaeaok-ka fa, O ta mahiik hataholi manatao tatao-nono'i mangalauk-ka fa.

MAZMUR 56:7

Ala tao nakabua makahatuk nai mamana nafunik, ala taoafik besa-besa neu hata lala'en fo au tao-no'in, ma ala sanga fai lelak soaneu taolisa au.

AMSAL 1:16

Metema ala beita tao tatao-nono'i mangalauk fa soona, ala ta sungu-la matan-nala fa. Dalen-nala lahiik, no lai-laik lanisa.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

HATAHOLI 23:15

Naa, besak ia tolanoo kala mo mana maketu-mala'di agama la, ela leo bee na haitua fe malanga solda'du Roma susulak, fo moke lo falik Paulus mai nataa emi, fo ta'ko mae, emi sanga palisak matalolole seluk dede'a na. Soona ami mahehele ao fo ana beita losa ia fa te, ami taomisan so.”

ROMA 3:15

Ala la'ok lai-lai metema ala sanga fepa-li'u ma taolisa hataholi.

SEMUEL SUSULAK-KA ESAN-NA 19:4

Boema Yonatan kokolak no Saul dede'a malole la'eneu Dauk nae, “Ama, Ama boso tao soe o atam Dauk. Nana ana ta tao salak hata esa boen neu ama fa; nakalenak nasafalin-na, ana tao tatao-nono'i malole ba'uk-ka nanseli neu ama.