MAZMUR 59:16 - Susula Malalaok Hehelu Palak Ma Hehelu Beuk

¹⁶ Laleu-lalaak sanga nana'ak, ma ala nggoo, metema ta lakabete fa.

MAZMUR 59:16 ပူးပေါင်းရင်းမြစ်များ

2 SEMUEL 22:3

Manetualain sama leo kota musu matea-mahelek au mamana nasulu-nahapang. Au Manetualaing-nga, sama leo lete batu, au mamana hahaeaong. Sama leo babaa fanak, fo ana babaa au, ma nanea au, fo ela au nee-nee lino-lino tataasesa.

AYUB 15:23

Manupui nasar-rala, lahani fai mamaten-na, fo ala sanga la'a popolan-na. Boema, name'da nae so'dan-na makahatuk manai fai manamaik-ka.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

MAZMUR 101:1

Dauk Kokoa-kikiok. Au nau akamee la'eneu lilinekak, ma ndoos ma matetuk-ka, fo au nakamee kokoa-kikiong, ba'eneu O, ou Manetualain!

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

MAZMUR 145:11

Neukose, ala lamatutua-lamadedema O koasam-ma, da'di leo Manek, ma ala tui O palanim-ma,

MAZMUR 21:13

Neukose ana kou kokou isin-na, nalosa ala lepos lasafali, fo lalai.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 31:7

Hataholi manasene-do'ok neu sosongo-tatangok-ka, O ta mahiik-kasa fa; tehu au amahele neu Manetualain.

MAZMUR 36:5

Ana tutu'u eno mangalauk, nai pepe'un lain; ta hapu tatao-nono'i malole, nai tatao-nono'in dale fa, ma ana ta tipa mangalauk-ka fa.

MAZMUR 4:1

Soaneu mauli-malanga makameek-ka. Nenik nakamina kecapi. Dauk kokoa-kikion-na.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

MAZMUR 5:3

Taoafik neu au dokodoeng ma tulu-fali au, ou au Maneng ma au Manetualaing-nga.

MAZMUR 77:2

Au aloo bou-bou no hala napane'ek neu Manetualain; au aloo bou-bou no hala napane'ek, de namanene au.

MAZMUR 86:13

Nana O sue-lai mahele au, nenik susue-lalaik matuaina; O soi-po'i au samaneng-nga neme bolo mamates dale mai so.

MAZMUR 88:13

Ade, hapu hataholi bubuluk, O tao manada'di beuk-ka, nai makahatuk dale, do O dale malolem-ma, nai nusak fo mamanak, hataholi-a nafandele henin do?

MAZMUR 89:1

Etan fo hataholi Ezrahi, nakamee nanolin-na.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

ROMA 15:9

Yesus boeo Ana tao na leoina fe'e kala koa-kio Manetualain, nanahu Manetualain dale na malole neus. Nai Susula Malalaok dale nanasulak nae leoia, “Hu ndia de neukose au koa-kio O nai hataholi fe'e kala tala'da, neukose au akamee nakamee kokoa-kikiok soaneu O na'de ma.”

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”