MAZMUR 56:8 - Susula Malalaok Hehelu Palak Ma Hehelu Beuk

⁸ Ade, hapu so'da-molek ba'eneu sila tatao-nono'i mangalaun-na do ta? Tao mamopo-mamates, lai O nasa-melum dalek, ou Manetualain.

MAZMUR 56:8 ပူးပေါင်းရင်းမြစ်များ

2RAJA-RAJA 20:5

fali leo Hizkia, fo Manetualain anan-nala manen-na, fo nanduku-nalosak hala heheluk-ka nde ia, “Au, Manetualain, fo o bei-ba'i kaim Dauk, sene-do'ok-ka. Au amanene o huhule-haladoim, ma Au ita basa, o luu oe-ma so. Neukose, Au tao alea-ahai o; binesak te, neukose o muu leo Au Umang muu.

AYUB 16:20

Au tia-laing-ngala, ala hakinonoli ma ala hika au; au u leo Manetualain, no kikiik, fo au oke tutulu-fafalik.

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

MAZMUR 139:16

O mita au, nai lelek au bei nai au inang tein dale; basa-basan nanasulak nai O susulam dale; fain-nala nananaketu basak, nai lelek esa boeo, beita mulai fa.

MAZMUR 39:12

O fepa-li'u hataholi esa nenik huhukuk nanahu salan-na, ma O tao makalulutuk lole-napun sama-na leo andae-a; Tete'ek-ka, hataholi daebafak-ka sama leo ka'da ani hahaek-ka.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

MATEOS 10:30

Langa dook manai emi langam lai na, nanaleke basak so.

2 KORINTUS 11:26

La'i ba'u ka au tao leleo-lala'ok fo nini susa-soe; asasalematak o faa lee, susa-soe manabonga uma, susa-soe neme hataholi Yahudi la do nau neme hataholi ta Yahudi la, susa-soe nai kota dale ma nai kota deak, susa-soe nai tasi lai, ma susa-soe neme hataholi fo ala manaku aoina nala da'dileo hataholi salanik, te se'ko na ta.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

IBRANI 11:38

Daebafak ia nde bee na mamanak fo ta nandaa ba'eneu sila fa. Ala laleu-lalaak nai mo maloa, ma nai pupu kala lain, boema ala leo nai lea lua kala dalek boe, ma bolo dae la dalek.

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”

SEMUEL SUSULAK-KA ESAN-NA 19:18

Lelek Dauk nala deak boema, neu leo Semuel uman neu, nai Rama, boema ana tui basa Saul tatao-nono'in soaneu ndia. Basa boema, Dauk no Semuel leu sama-sama leo Nayot leu, de ala leo leme ndia.

SEMUEL SUSULAK-KA ESAN-NA 27:1

Dauk dodoo nai dalen dale nae, “Leomae leo beek boe, nai faik esa te, Saul taonisa au. Da'di, ta hapu eno fe'ek so'on, ba'eneu au, ka'da au alai leo nusa Filistin-na u. No enok ndia, neukose Saul ta sanga seluk au nai Israel fa, de neukose, au boeo nee-nee lino-linok.”