MAZMUR 53:3 - Susula Malalaok Hehelu Palak Ma Hehelu Beuk

³ Manetualain mete hataholi daebafak-ka neme nusa so'dak-ka mai, soaneu Ana sanga hataholi manatee-tenok fo manasene-do'ok neun.

MAZMUR 53:3 ပူးပေါင်းရင်းမြစ်များ

2 SEMUEL 20:2

Boema hataholi Israel sila-la la'oela Dauk, de leu tunga Seba. Tehu hataholi Yehuda-la lilineka lahele, ma ala tunga Dauk, neme Lee Yarden-na losa Yerusalem.

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

MAZMUR 14:3

Tehu basa hataholi-la, la'ok sala ma ha'da-tataon-nala ta kandaak fa, ta hapu hataholi esa boen, fo ana tao malole fa.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

ROMA 3:12

Basa hataholi la ladook aoina nala neme Manetualain so; basa-basas latofa-latalak so. Ta hapu hataholi manatao ndoos esa boen, ta hapu hataholi esa boen!

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.

NINITAK 22:11

Hataholi manatao tatao-nono'i mangalau ka, neme na fo ana tao mangalauk nakandoo. Hataholi manatao nanggenggeo so'da na, neme na fo ana tao nanggenggeo aoina na; hataholi manatunga Manetualain hihii-nanau na, neme na fo ana tunga Manetualain hihii-nanaun nakandoo, ma hataholi fo naso'da hehelik soaneu Manetualai na, neme na fo naso'da hehelik soaneu Manetualain nakandoo.”