MAZMUR 52:3 - Susula Malalaok Hehelu Palak Ma Hehelu Beuk

³ Hai hataholi balakaik-konei, tao le'e de, o koao-ndaeao menik o tatao-nono'i mangalaum-ma, soaneu hataholi fo Manetualain sue-lain?

MAZMUR 52:3 ပူးပေါင်းရင်းမြစ်များ

MAZMUR 62:4

Losa faihi'da, emi basa-basam-mala, nau sapu-ma hataholi esa, fo hataholi ndia, sama leo papala maso'ok-ka, ma papala nanadamak fo, hihii nae bala neu-a?

AMSAL 21:10

Hataholi mangalauk-ka, ana hii ka'da tao mangalauk tataas esa; ana ta nanuu dale susue-lalaik, soaneu su'di see-a fa.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 9:8

Dede'a-kokolan-nala, mangalauk nanseli, nanisa, sama leo kokouisi malasok-ka. Hala-kokolan-nala, ka'da masapepeko-masandandalik mesan. Dede'a-kokolan-nala leo mina noo-a, tehu tunga ndoon-na, lakahihi'ik hataholi ndia.

MIKHA 3:2

tehu nakalenak emi ta mahiik hata fo malole fa, te emi mahiik hata fo mangalauk. Au leoinang-nga bei maso'dak, tehu emi ali heni loun-na, ma emi sii-sii isin-na neme duin-na mai.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 1:25

Ala nggati Manetualain fo ndoos ndia, ninik ai batu nanadoli-dulak. Ala ta sene-do'ok neu mana makadada'dik daebafa ka fa, te ala sene-do'ok ma lalalau-laoono hata manasapu lalo kala. Te se'ko na tunga ndo na soona, muse koa-kio mana makadada'dik ndia losa dodoo na! Amin.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.