MAZMUR 51:11 - Susula Malalaok Hehelu Palak Ma Hehelu Beuk

¹¹ Lepos masafali O mata-panam neme au sala-singong mai, ma lose heni basa au salang-ngala lala'ena.

MAZMUR 51:11 ပူးပေါင်းရင်းမြစ်များ

KEJADIAN 4:14

O usi heni au eme dae ia mai, de au dook-ka neme O matam-ma mai. Neukose, au da'di maleu-malaak, fo au ta anuu mamana leleok nai daebafak-ka fa, de su'di see natongon-no au soona, ana taonisa au.”

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

2 SEMUEL 7:15

Tehu, neukose Au ta tao mangalauk neu fan, nandaa no Au hehelu-balataang. Neukose, Au ho'u ahele Au hehelu-balataang soaneun, de ta sama leo Au taon neu Saul, fo Au keko heok-kana neme kandela nangatutuun lain mai, fo ela o bisa da'di manek.

2RAJA-RAJA 13:23

Tehu, Manetualain dalen-na, tu'da kasian neu anan-nala, de Ana fe do'o do ampon neus. Ana ta nau po'ilotak-kasa nanatao namopo-namatek fa, de Ana tulu-falis, hu kande hehelu-balataan no Abraham, Isak ma Yakob. Losa besak ia, ta nafandele heni anan-nala la'iesa boen.

2RAJA-RAJA 23:27

Boema, Manetualain nafa'da nae, “Au ta basa hata, soaneu Israel so, neukose Au taon soaneu Yehuda boe. Neukose, Au tu'u-tapa heni hataholi Yehuda-la, leme nusak fo Au fen neu sila. Neukose, Au ta sipok Yerusalem, kota fo Au hehek-ka fa, ma Au umang ia boe, ana da'di mamana huhule-haladoik ba'eneu Au.”

2RAJA-RAJA 24:20

Manetualain namanasa nanseli no laun Yerusalem-mala, ma hataholi Yehuda-la, de nalosa, Ana ta taoafik-kasa so'on.

MAZMUR 43:2

O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

MAZMUR 71:9

O boso tu'u-tapa heni au, nai au fai lasing-nga dalek, boso la'oela au, metema au be'i-balakaing ta so,

YEREMIA 7:15

Neukose Au usiheni emi, neme Au matang-nga mai, sama leo Au usiheni emi teidale-bobongim, fo hataholi Israel-la.”

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

ROMA 8:9

Tehu emi ta maso'da tunga hataholi daebafa ka ha'da-paliin fa. Emi maso'da tunga Manetualain Dula Dale na, fo metema tete'e ka soona, Manetualain Dula Dale na koasa nai emi dalem dale te'e-te'e. Hataholi fo Kristus Dula Dale na ta nai dalen dale fa soona, Kristus hataholin ta ndia fa.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

HAKIM-HAKIM 13:25

ma lelek nai leo Dan-na ofun manai Zora ma Esytaol-la tala'da, boema Manetualain Duladalen-na fen be'i-balakaik.

HAKIM-HAKIM 15:14

Lelek loo Simson losa Lehi boema, hataholi Filistin-nala lalai mai latongo loon, ma ala eeki-latadalen. No kaiboik, ana da'di mabe'i-balakaik, hu kande Manetualain koasan-na. Ana tao ketu, ala pa'a tali-tali manai liman-na ndia, ana tao ketus leondiak mesan, nono'kabai, tali sila, tali ha'i na'ak.

HAKIM-HAKIM 16:20

Boema, ana nggasi ma nae, “Simson! Hataholi Filistin-nala mai!” Simson fo'a, de naedaenga ana hapu natapo'i, sama leo nai fai-fai maneuk-kala. Ana ta bubuluk, nae Manetualain la'oelan so.

SEMUEL SUSULAK-KA ESAN-NA 10:10

Lelek Saul no malalau-maoonon losa Gibea boema, latongo loo nabi bubuak esa. Nai hatematak ndia boe, Manetualain Duladalen-na koasa Saul, de ana tunga nabi sila-la fofoti-lolongen ma eekin-nala.

SEMUEL SUSULAK-KA ESAN-NA 16:14

Manetualain Duladalen-na la'oela Saul so, de besak ia, Manetualain nadenu duladale mangalauk-kala tao doi-doson.