MAZMUR 50:5 - Susula Malalaok Hehelu Palak Ma Hehelu Beuk

⁵ Ana nafa'da nae, “Tao makabubua Au anang-ngala lala'en-na fo manatao basa hehelu-balataak loo Au, ma nanatao natea-nahelek nenik tutunu-hohotu nanado'dok.”

MAZMUR 50:5 ပူးပေါင်းရင်းမြစ်များ

MAZMUR 30:4

O matapo'i au neme mamates-sa mai, ma O tao maso'da au neme hataholi manamatek-kala tala'da mai.

MAZMUR 97:10

Hai emi fo, manasue-lai Manetualain-na lemin, boso mahiik tatao-nono'i mangalauk-ka! Nana Manetualain nasulu-nahapa anan-nala maso'dan-na, Ana soi-po'is leme hataholi malelesik-ka, koasan-na mai.

AMSAL 2:8

Manetualain nanea hataholi manatao tunga ndoon-na, ma nasulu-nahapa sila fo manasue-lain-nana.

YESAYA 13:3

Manetualain naloo basa Ana hele palani ta'ti batu la so. Hataholi sila aon-nala makadelek, palani, ma Ana bisa namaheles. Manetualain fes bela-ba'uk fo ala huku hataholi fo nasa-melun la'es.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

2 TESALONIKA 2:1

La'eneu ita Lamatuan Yesus mamai na, ma la'eneu manda'dik esa nae, neukose Ana tao nakabubua ita to Ndia, au oke ela leo bee na,

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

YUDAS 1:14

Hanok nde bee na, bobongi ka hitu a, neme Adam mai, fo makahulu na nafa'da ela la'eneu hataholi sila la nae, “Mete leo na, te neukose Amak Manetualain Ana mai no ata malalaon lifu-lifu kala,