MAZMUR 50:22 - Susula Malalaok Hehelu Palak Ma Hehelu Beuk

²² Taoafik leona, emi fo mafandele heni Manetualain-na; manea leona, fo boso nalosak Au tao amopo-amate emi, fo ta hapu manasoi-manatefa fa.

MAZMUR 50:22 ပူးပေါင်းရင်းမြစ်များ

2 SEMUEL 22:42

Ala nggasi, tehu ta hapu manatulu-fali fa, Laloo bou-bou neu Manetualain, tehu Ana ta nataa fa.

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 8:13

Hataholi lamatua taak-ka, leondiak. Ana nafandele heni Manetualain, boema mopo namahehenan-na.

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

MAZMUR 7:2

Ou Manetualain fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

MAZMUR 9:18

Mamates-sa nde been-na, mamana mate'ek ba'eneu hataholi mangalauk-kala, ma leoina fo, ta taoafik neu Manetualain-na fa.

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YESKIAL 18:28

Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

HOSEA 13:8

Neukose Au sapu-a emi, sama leo meoasu manamopo anak-ka. Neukose Au sisii-lulu'i emi. Neukose Au kaa emi, sama leo singa kaa emi, nai emi mamanam-ma, ma neukose Au sisii-lulu'i emi, sama leo bana makaa-makisuk-ka.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

HAGAI 1:5

So'ba taoafik neu emi ha'da tataom leona!

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa